وصية بركات الشريف لولده (( من اروع القصايد المليئه بالحكم )) ...!!!

السلام عليكم ورحمة الله وبركاته

حبيت اطرح لكم اليوم قصيده لشاعر الكبير بركات الشريف رحمه الله

والقصيده هذي بمثابة ديوان له بما فيه من معاني وحكم

وهي وصيته لابنه

تصدقون اني حافظه بعض ابياتها من عاد عمري ثمان سنين :مزون:

وحبيت اضعها بين يديكم

الوصيه :


يالله ياللي كل الأمـّات ترجيـك =يا واحـد ٍ ما خاب حي ٍ ترجاك

يا رب عبد ٍ ما مشى في معاصيك =مـا يمشي الا فـي محبتك ورضاك

يا مـرقب ٍ بالصبح نطيت راقيك =مـا واحـد ٍ قبلـي خبرته تعلاك

وليّت يا ذا الدهـر مكثر بلاويـك =الله يـزودنا السلامـة من اتلاك

ياللي على العربان عمت شكـاويك =وليت يا دهـر الشقا ول مقواك

واليوم ها الكانون غـاد ٍ شبابـيك =تلعب بـه الارياح من كـل شباك

يا مالك اسمع جابتـي يوم أوصيّك =وافطـن ترى يابوك بآمرك وانـهاك

وصيّـة ٍ من والد ٍ طـامـع ٍ فيك=تسبـق علـى الساقة لسانه لعلياك

أوصيك بالتقـوى عسى الله يهديك =لـهـا وتـدركهـا بتوفيق مولاك

الله برب اجـدادك الغـر يعطيـك =رضـاه مـع مـا تـمنـّى من مناك

إحفظ دبشك اللي عن الناس مغنيك =أللـي لـيـا بـان الخلل فيك يرفاك

واعرف ترى مـكـة حكمها بناخيك =لـو تشحذه خمسة ملاليم ما اعطاك

إجعـل دروب المرجلـة مـن معانيك =واحـذر تـميّل عـن درجها بمرقاك

لا تـنسدح عنها وتبغانـي اعطيـك =جـميع مـا يكفيك ما حاصل ٍ ذاك :مزون:

أدّب ولـدك إن كـان تبغيـه يشفيك =واستسعفـه مـن بعـد مرباه بالاك

إما سـمج واستسمجك عند شانـيك =ويفـرّ من فعلـه صديقـك وشرواك

والاّ بعـد جهلـه تـرى هو بـياذيك =لـو زعلـت امـه لا تـخليه يالاك

واحـذر تضيّع كـل من هـو ذخر فيك =معروف لا تـنساه واوفـه بعـرفاك

تـرى الصنايـع بـين الاجـواد تشريك =الـيـا طمعـت بغـرسها لا تعدّاك

واحـذر سـرور بغبـّة البحـر يرميك =ولا عنـده افـلس من تشكّيك وابكاك

واوف الـرجال حقوقهـا قبـل تعنيك =لا تعتمـد بالقـول فالـحق يقفـاك << الله الله :مزون:

وهـرج النميمـة والقفا لا يـجي فيك =واياك عـرض الغافـل ايـاك إيـاك

تـبدي حديـث ٍ للملا فيـه تشكيك =وتـهيم عند الناس بالكـذب واشـراك

والـيـا نـويت احـذر تعلم بطاريك =كـم واحـد ٍ تبغـي به العرف واغواك

واحـذر شـماتة صاحب ٍ لك مصافيك =واليا جـرى لك جـاري ٍ قـال لولاك

ولا تـحسب إن الله قطـوع ٍ يـخليك =ولا تفـرح إن الله علـى الناس بـدّاك

الضيـف قـدّم لـه هلا حين يلفيك =ومـما تطولـه يا فتـى الـجود يمناك

إحـذر تلقـّي الضيف مقـرن علابيك =خلـه مـحب ٍ لك صديق ٍ إذا جاك << كفوووووو :مزون:

واوصيك زلات الصديـق إن عثـا فيك =مـا زال يغطاها الشعر فاحتمـل ذاك

راعـه ولـو مـا شفت إنه يراعيـك =عسـاك تكسـر نـيـته عن معاداك

واحـذر عـدوك لـو ظهر بي يصافيك =خـلك نبـيـه وراقـبه وين ما جاك

لا تـأمنـه واطلـب مـن الله ينجيّك =ويـكفيـك ربـك شـر ذولا وذولاك

شفنـي أنـا يابـوك بآمـرك وانـهيك =عـن التعـرض بـين الاثنين حذراك

إذا حضـرت طلابـة ٍ مـع شرابـيك =إسـع لـهم بالصلـح واللاش يفـداك

إبـذل لـهم بالطيـب ربك يـنجّيك =ولا تـجضع الميـزان مـع ذا ولا ذاك

أمـا الشهـادة فادّهـا إن دعوا فيـك =بـيـّن عمـود الدين لا عميت ارياك

بالك تـماشي واحـد ٍ لك يـردّيـك =طالـع بنـي جنسـك وفكّر بممشاك

رابـع أصيـل ٍ فـي زمانـك يشاكيك =لا شـاف خـملاتك عن الناس غطاك

واحـذرك عـن طـرد المقفيّ حذاريك =عليـك بالمقبـل وخـل مـن تعـداك << مطنوخ ذا البيت شاش براسي نعنباه :مزون:

ثـم العـن الشيطـان ليـاه يغويـك =تـرى ان تـبعتـه للشـرابـيك وداك

واوصيـك لا تـشكـي عليـنا بلاويك =أنـت السبـب طرفك عيونك بيمناك << اناشهد

واعـرف ترى اللي من وطا (الفعر)واطيك =ولا انـته أعـز مـن الجماعـة هذولاك

ألـمسـك يا راسي من الذل واخطيـك =واحـذر تكلـم يـا لسانـي حـذاراك

والطـف بـجارك ثـم قـم دون عانيك =وافطـن لما يعنـيك عـن ربعـة اخواك

يا ذيـب وان جـتك الغـنم فـي مفاليك =فـاكمـن إليـن ان الـرعايا تعدّاك

فـيما مضـى يا ذيـب تفـرس بياديك =واليـوم جـا ذيـب ٍ عـن الفرس عدّاك

يا ذيـب عاهـدنـي واعاهـدك ما ارميك =مـا ارمـيـك أنا ياذيب لو زان مرماك

والنفـس خالـف رايها قبـل ترمـيـك =تـرى لـهـا الشيطان يرمـي بالاهلاك

ومـن بعـد ذا لا تصحب النـذل يعديك =وعـن صحبـة الأنـذال حاشاك حاشاك

تـرى العشيـر النـذل يـخلف طواريك =وانـا ارجـي انـك ما تـجي دون آباك

والهقـوة انـك مـا تـجي دون اهاليك =ولا اظـن عـود الـورد يثمـر يتنـباك

والحـر مثـلك يستحـي يصحب الديك =وان صاحبـه عـاعـا معـاعـات الادياك << يالبيييييييييه هذا البيت اللي اموت فيه :مزون:

لا تستمـع قـول الطـرف يـوم يلفيك =بالكـذب يقضـي حاجتـه كـل ما جاك

ومـن نـم لك ،نـم بك ولا فيه تشكيك =وإلـيـاه قـد أزرى رفيـقـك وأزراك

عنـدك حكـى فـيـنا وعندي حكى فيك =وأصبحـت مبغضـنا وحـنا كرهنـاك

مـا اخطـاك مـا صابـك ولو كان راميك =واللـي يصيـبك لـو تتقيت ما اخطاك

مـار استمـع منـي عسـى الله يهديـك =والنـصـح يـا مـالك لك الله لمـولاك

عنـدي مظـنـّة مـا تـمثلتهـا فـيـك =واطـلب لك التـوفيـق مـن عند مولاك


وصح السانه ملاااااااين

تحيااتي للجميع

واوصيـك لا تـشكـي عليـنا بلاويك =أنـت السبـب طرفك عيونك بيمناك << اناشهد

واعـرف ترى اللي من وطا (الفعر)واطيك =ولا انـته أعـز مـن الجماعـة هذولاك


تعجبني القصايد الي كلها حكم و تجارب

اخت الرجال فيه قصيده
لشاعر عندنا في غرابيل
اسمها رموز ومعاني رائعه بجيبلك هيا تقولي رأيك فيها :مزون:
ولو اني متاكده انها بتعجبك

يعطيك العافيه ع الاختيار الرائع

لاعدمناك

سلام..

هذي القصيده لشاعر محمد السريع
7

الحياة ام التجارب بـارك الله فـي زمانـي
يوم ذوقني مذاق المر مـن سـن الحضانـه
من و انا طفلٍ صغير بحامي الميسـم كوانـي
كيةٍ خلتني ابقا اعيش فـي ثقـل و رزانـه
عمت في كل البحور و طفت في كل المواني
و اكتشفت برحلتي معنى الوفاء هو و الخيانه
استفدت من التجارب كيف تحقيق الامانـي
و كيف يطعنّي رفيقي بالظهر بإسـم الميانـه
كم و انا اقرأ من رموز و يوم افسرها معاني
اشعر ان الناس حولي ودهـم لـي بالادانـه
و رغم كل اللي حصلّي ما يزعزع من كياني
يستدير الكون كلّه و الجدي ثابـت مكانـه
مستحيل اهين نفسي في حياتـي لـو ثوانـي
و مستحيل اقدّر اللي داخله نفـسٍ جبانـه
اعتلي قمة شموخي عـن دهاليـز الطمانـي
و من سعى يبغى فراقي قلت عان الدرب عانه
لاني اؤمن بالشموخ و ما كتبـه الله جانـي
من مقادير الليالي ما على المؤمـن حصانـه
ابتسم و اقول ماني مرخصٍ كلمـة لسانـي
الرجل عند العوارف يحكمه منطـق لسانـه
و عن ثقافات التجدد و العصر درسي كفاني
لا لمفهوم الخطا فصل الحيـاة عـن الديانـه
المبادي عند اهلها مثـل أساسـات المبانـي
من يبدّل بالمبـادي نحسبـه ماهـو تكانـه
و المبادي حق جار و حق ضيف و حق عاني
و الشجاعه و النزاهه و المـروه و الامانـه
و اتّباع ام الكتاب و محكم السبـع المثانـي
من يصون الدين مؤمن في هداه الدين صانـه
و اطلب الله و ارتجيه انه على الحق يهدانـي
من استعان الله على الطاعه و نعم الاستعانـه

الله الله صح السانه ملاين عزالله طمرتي على اللي في خاطري وجازت لي حييل

و رغم كل اللي حصلّي ما يزعزع من كياني
يستدير الكون كلّه و الجدي ثابـت مكانـه
مستحيل اهين نفسي في حياتـي لـو ثوانـي
و مستحيل اقدّر اللي داخله نفـسٍ جبانـه
اعتلي قمة شموخي عـن دهاليـز الطمانـي
و من سعى يبغى فراقي قلت عان الدرب عانه
لاني اؤمن بالشموخ و ما كتبـه الله جانـي
من مقادير الليالي ما على المؤمـن حصانـه

حياااش الله فديتش

اسعدني مرورش يابنت القروم

اختك يا صبي
وبرقاوي


اختيار موفق

سلمتن

تحيه ع ــطره

محمد حياااك الله واسعدني تواجدك في موضوعي

؛



اختك ياصبي ..وبنت برقا

عطاء متميز ..ومجهود اشكركم عليه ..ونقل موفق

احترامي


.

حياااش الله يتم ولاعدمنا مرورش يالغاليه