باب النقد مفتوح : ما كل الشعر مسحوب

ما كل الشعر مسحوب


يا سقيم الفهم يومنك تكلمت
...........راح ظنك كل بحور الشعر مسحوب

البحور اكثر ولكن ما تعلمت
............فيها ما يفتن جماله كل محبوب

فيها منكوسٍ ولعبوني ترنمت
............والهلالي من تشوفه هامت قلوب

والهجيني يوم تقرا ما تفهمت
.............كن تحس اللي بصدرك فيه مكتوب

لو يشيب الراس شيباني لنا شمت
.............يوم نظمه بالبياض يصير مقلوب

والصخري تلقى بنظمه لا تألمت
.............سلوةٍ بالصدر واست كل مكروب

لا تقول بيومٍ انك ما تندمت
............البشر يخطوا ترى والعاقل يتوب

والكلام يطول لكني تعلمت
............ ما يفهّم جاهلٍ زينك بالاسلوب





.