صحيح خميتها لكني أخطيتها ؟!
عوده بعد غياب لمصافحة ذائقتكم الراقيه
[poem=font=",5,black,bold,italic" bkcolor="transparent" bkimage="" border="none,4," type=0 line=0 align=center use=ex num="0,black""] ياشداد ريمه تهيض هاجسي والضمير=وانا ليا ضاق صدر الشعر سريتها
الليل قفى وانا توي عليه استخير=مغير أداري همومي ليتها ليتها
ساري على اشداد ريمه ماعرفت المصير=مغير أدرهم ولاادري وين سجيتها
ياكبرها في ضلوعي طيحتك ياكبير=لو كان تمشي على ماقيل مشيتها
ماتسمع اللي يقول إن كان طاح البعير=تكثر عليه السكاكين وطواغيتها
واليوم طحت وعرفت إن الفلك يستدير=خميتها ياخفوقي لكن أخطيتها
ياليتها من صغير وقلت لك من صغير=والعين عن غلطتك ياصغير غضيتها
غلطت كبير وعلى رايه يسير الشوير=ياكبرها منك مدري كيف سويتها
دار الرحى ياخفوقي وانت حبة شعير=على رحى الحب وأنت اللي تمنيتها
لاتقول هذي تصير وذيك لا ماتصير=الحب عكس الهقاوي لو تهقويتها
غلطتك وأدفع ثمنها والليالي تسير=وأنا معي سبحتي لاضقت فريتها
وغرفت من غبة البحر العميق الغزير=والشارده من بنات الفكر غنيتها
ياهيه قلبي معك ياجعل دربه سفير=حتى عروقه معك ياهيه تلتيها
قسمك لحالك ولا لك في حقوقك خشير=مااحدن بناشدك عنها وين وديتها
ترى الهوى غير وأعلوم الرياجيل غير=صحيح كحلتها لكني أعميتها
كذا كذا قالو الرده تعوض الكسير=وياليتني يمك البارح مارديتها
خليتها للزمن حتى لو إنه عسير=إن كان سرحتها وان كان ضويتها
ياشداد ريمه ياريمه وين حظي إمغير=صحيح خميتها لكني أخطيتها [/poem]
