تكفون يا رجال المروات والشــور
[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
ماوده انها تبيـــن لكـــــن مجبــــــور = والكل في وضعه بخيص وداري
عاش الاســا والغبن والذل والجـــور = وجهه من سلوم الرجاجيل عاري
حياته اهون من قطن عش عصــفور = ما عاد له في سلم الطيب طــاري
ابـــوه قلبــه من فعايلـــــه مفطــــور = وامـــه مـدامعهــا تهــل العبـاري
خلا الوظيفه والمره وشلقه ابــزور= وعشق رصيفٍ مظلمن له يداري
نشا صغير وحـلمه يصـير دكتــــور = والحلم طارت به هبوب الــذواري
من عقب ماحـلمه عمارات وقصور = وبستان واشجاروخدم مع جواري
تلقاه في الســـكه تقــول انه ناطــور = ماله صحيبٍ كود سـود الغــداري
حلقه ظــلام مغلقه وسـطها يــــدور= صبحه وليله ما درا وين ســـاري
تكفون يا رجال المروات والشــور = تكفــــون لموهم ترا الوضع زاري
لا تنبذون المدمن الوضع مســـتور = يكفيه ما مره ترا الوضع شــــاري
نادوه واسعوا له مع كل ســابـــور = وفيضوا عليه المدح مع كل طاري
ولا تنبزونه في المجالس يامخمور= يزيــد شـره شـره ويصــبح نفـــاري
خلوه يرجــع عضـو نافع وله دور = في المجتمع ويترك حـياة الضــواري
يمكن يجي يومٍ يخلد به اسطــــور= ويكتب من الاعــــلام مثل البخـــاري
وإلا تحقق له حـــلامه بدكتـــــور = او شيخ قـومن في المواجيب ضـاري
ليــه مستحيل يهذبه فالج النــــور = ويكسب اجــر من كان للخير جــاري
فلو نضرب الامثال يا كم مدمور = ســـكير عــــربيدٍ مقطــــــع الاثـــاري
عـــود على ربه ذليلٍ ومكســـور = يقرأ كتاب الله وصحيــح البخـــاري
ومالك ابن دينار كما الدر منثور = له سيرتن يطـــرب لها كل قــــاري
وفي ختامها يالله يا منزل الطـــور = سترك في يوم الناس حافي وعاري [/poem]
