[frame="15 75"](( صبْح الفرح ))
جيتي مثل الصبح .. ياصبح الفـرح
يابعـد من جاء .. ومن ولّى وراح
جيتي في ليـل ٍ .. تغطـرس وانفـضح
يوم شــافك .. ونّ من قلبـه .. وطـاح
واشرقت شمس الأمــاني .. وانشـرح
خاطــر المشـتــاق والله .. واســتراح
رحّبت فيــك المـشـاعـر .. بالفـرح
وغـرّدت لاجـلك .. عصـافـير الصبــاح
كنـّـهـا .. طلّـة قـمــر .. بسّ اتضـح
إن وجهك شمس .. والليـل الوشـاح
ياهــلا .. باغْلى .. وباوْل مـن سبـح
في خيـالي .. وامتـطى ظهــر الريــاح
في غيـــــابك كنت في .. حــزن وْترح
وفرحتي في شوفتك .. فرحـة نجـاح
ما يهـم .. ان كـنت انــا ويــــاك صح
الأكيــــد الصحّ .. احـبّـــك بارتـيـــــاح
هزّي جـذعي .. وآتســاقــط لك .. بلح
لكـن اسقـيـني .. من العـذب القـراح
من كسب وصـلك .. فـ عزالله ربـح
ومن خسـر وصلك .. تعـدّاه الفـلاح
وجيتي مثل الصبح .. ياصبح الفـرح
يا بعـد من جاء .. ومن ولّى وراح[/frame]
