سلام عليكم ورحمة الله وبركاته
يالله مير تحييهم
اليوم الساعه ثلاث ونص الفجر كنت في مطار الملك عبدالعزيز استقبل مامتي
حبيبة قلبي جايه من أبها البهيه كلمتها قبل تركب الطياره قالت والله شفنا
عند باب المطار طياره فخمه وكبيره وننتجه لها بنركب قالو لا طيارتكم هناك مو هذي
تقول طالعت في الطياره لقيتها موديل 77 وعليها شد وكأنها لمحت طلي في صندوق
الطياره
وتقول ذبحتنا البطانيج وحنا في الطريق وصرفوا لهم بدل العصير مثبت للمعده
مثل مثبت الشعر
وكراسيها ضيقه وحالة أمهم حاله .
يالخطوط السعوديه تلهفون الفلوس وما قدرتوا تجيبون طياره مثل الناس
ما أقول غير حسبي الله ونعم الوكيل .
ماهو هذا موضوعي
موضوعي عن شخص وأنا في صالة الإنتظار كان في طابور مهمل يعني ما عنده موظف
وطال بهم الإنتظار وكان هو في المقدمه وأوصافه تدل عليه إنه vip
لابس بدله صوف يعننه جاي من برا وأصلع ومافي شنب ولا لحيه
ووجهه من كثر ما يحكه بالموس صاير في مطبات هوائيه << متأثر بسواليف الطيران
الموهم الرجال ارتفع ضغطه ونادى الموظف وقال يا سيد تعال خلصنا ..
قال الموظف ما تشوفني مشغول !!
قال يا سافل يا منحط يا حقير يا كلب يا... يا .... المشفر يا أخواني أقوى من الي ذكرته
وكان واقف شرطي وما لا فتح فمه تقول إنه ما يسمع شيء .
والموظف نفسه تقول إنه ماهو المقصود بالسب والشتم .
وعاد الفضوليين كثروا حول الطاوله وشفت ناس يدقون بالجوالات الحق يا فلان
هوشه في المطار .
وواحد يدق على جريدة الوطن يقول يا أم الفضايح خبر طازه
تجمعنا كلنا بنشوف وش يصير
وبعد الف كيلو شتائم طفح الكيل مع الموظف وصاح على الشرطي وقال أكتب محظر
الشرطي في هاللحظه تحرك عنده الإحساس وقال هات إثباتك
الرجل الغير مؤدب قال (( إثباتي في مخباتي )) والله ما تشوفه انت وياه
أنا في هذه اللحظه عرفت إنه شخص مهم وكبير مررره أو إنه سكراااان فل
لأني سمعته يقول توني جاي من المغرب قلت يمكن كثر في عصير السن توب
وشوي جات الحكومه كلها
مدير المطار
أعلى رتبه في جوازات المطار
أعلى رتبه في الشرطه الجويه
أعلى رتبه في الشرطه الأرضيه يعني الوي وي كلهم
قلت بس راح في خرايطها
والموظف بيأخذ حقه .
تصدقون يا أخوان أنا ماصدقت وش حصل
إثباته ما أخذووه بس اكيد عرفووه من هيئته المترنحه بالسكر والعهر
وصاروا يطلبونه ويشحذون رضوانه عليهم
,,
ونادوا الموظف وقالوا وش رأيك قال أبغى حقي
قالوا يا خي أمسحها بوجيهنا وأدي واجبك وأحجز له للرياض وخلك متسامح
الرجل لم يجد بدآ من التسامح وأخذها في جنبه ومسحها بوجيههم وحجز وهو مكره
والرجل الـ vip مبتسم الوجه وكأنه لم يقل أدبه .
وضاع حق الموظف .
هنا سؤال يدور في صدري ويجول ؟؟
إلى متى هذا الذل من من أتخذوا السلطة حجاب لأخطائهم وخزيهم ؟
وصارت ألسنتهم تقطر قطران وسم ورائحتهم خبيثه .؟
أخوكم بندر النايف
