[align=center]قصيدة /عبدالرحمن محمد الجبيري[/align]
[poem=font=",6,blue,bold,italic" bkcolor="transparent" bkimage="" border="none,4," type=2 line=0 align=center use=ex num="0,black""]
من منطلق لخطا الغرير اتقول له يا ورع اح = و في ذا الزمن يمكن تقال لبعض بيضان اللحا
لا جا على العوجا كبير السن شيبه قد فظح = ماتدري انت تقول اح والا يدافعك السحا
يا شايب عمرك تعدا الاربعين ابك استرح = وشلك وشل مطارد الشاشات في ليل وضحا
وقتك غدا ما بين نت وبين بيلوت ومرح = والموت قافي جرتك تمشي وخلفك يجمحا
تب وارجع لربك وخلك من تغاريد وفرح = وارجع على مصلاك وقرا ايات ربك وافلحا
يا كبرها يا قدوه اهل الدار تمشي بالقبح = من جيت له قدوه خطير يضل وإلا يشطحــا
ثلثين عمرك راح قدم الشات دايم منسدح = مع بنات الشات دايم يا الضعيف تشقحــا
على المغازل والمعاكس والبـلاوي منطـرح = من زين وجهك كاتبن نكك اداوي واجـرحـا
ابسئلك ســـؤال واحـد هو علاجٍ للجــرح = هل يعجبك بن اصغر عيالك لفعلك يلمحا
كيف تستتر عن منزل القرآن وايات الفتح = احذر يشوفك وانت في وضعٍ يشين ويفضحا
يالله تظللنا بظل الستر في يــوم الفضـــح = في ســـاعه ابصــار خلقك يا إلهي شبحــا
ذي عينه في المجتمع يطول عنهم الشرح = موجـودتن يا كثرها يا عل دابرهـا المحـــا
امنول الرجال ابو سبعت عشر يقدح قدح = رمحه كما رمــح ابن غانم لاعتزا به يذبحـا
واليوم يقرب سنه الخمسين باقي منبطح = ما يفــرق التينه من الخـوخه هذاك ألاكلحا
والسيف الاملح انثلم والرمح كسرنا الرمح = وندور الفزعه من اللي عرضنا له مسـرحا
نرضع ديوس العولمه ونعيش تغـريب وذبح = والكل منا وســط دمــه بائسٍ ومطـــرحا
يا امه المليار عودي وعقدي اكبر صــــلح = مع من مع رب السما من شان حالك يصلحا
عودي على القرآن والسنه وتفسير الصـحح = ترجع لك امجادك وترجع هيبتن ما تمحـــا
ارض الفرح راحت ترح راحت ترح ارض الفرح = راح الزمان العذب واللي باقي اسوا واقبحا
الوقت ما هو وقت خيال المسا وإلا الصبح = الــوقت وقت امسلسلات ادريد لحام و جحــا
لا يا زمن وش ذا الزمن هذا الزمن ماهوب صح = قصدي البشر ماهم بصح وإلا الزمن ما قد نحـا[/poem]
