بسم الله الرحمن الرحيم
أسف على التقصير وأسف تأخرت
مشغــول يابنيــه بفكــره جديده
غصت البحور المالحه شوق وأخترت
لؤلؤ وعلى شكل المحار القصيده
بغيت أعلقها قــلاده وتحيــرت
أنتي تزيدين الحــلا أو تزيده
غمضت عيني وفي خيالك تفكرت
سبحان ربي كيف حسن عبيده
بلورت قلبي من غلاك وتبلورت
وأصبحت سيد القلب ياسيد سيده
طورت نفسي وفالثقافه تحضرت
أتابع الأخبــار وأقرا جــريده
من بعد ماني بالجهاله تدهورت
جاني وسحبني الزين أبراحه أيده
طوقني المحبوب وبمنهجه سرت
وبديت أشوف الحب يسري بوريده
من بعدها سلمت روحي وقررت
نعيش أنا ويــاه دنيا سعيـــده
واللي يجي برفع على وجهه الكرت
ممنــوع في قلبي حبيبه وحيــده
