وش عاد
لو تبكي عيوني
أو أساهر
نجمة الليل بجنوني
أو أردد آهــــتي
في حشايا مهجتي
أو تعاندني بطريقي خطوتي
أو تحيرني البداية
كيف بتكون النهاية
أو تخيرني الأماني
بين أوهام وسراب
وش عاد ؟
وش ممكن يكون ؟
ما يــــــهمك
غير ترديد الكلام
وإن ظرفك
ماسمح لك
حتى في رد السلام
وأنت ماتقدر تكون
إلا ___ حبيبي
في ظنوني
في أحاسيسي وشجوني
ما أشوفك
غير دنياي وفتوني
( حيثك أغلى من عيوني )
وإن جفيت القلب
أو حتى
نـــســــيـــــت
ولو عرفت ْ إحساس ثاني
وهتفت روحك عشانه
مب عشاني
وماخطر طيفي
على بالك ثواني
أو سوى قلبي لقيت
بأزرع أشواقي على ضفة هواك
وأنثر أزهار الوفا
عطر ٍ لفاك
وإن قسى قلبك على قلبي
بأقول
وش عاد
لو تبكي عيوني ؟؟؟؟؟
بنت الربيع
