تعالو شوفو المعلمات كيف يتعاملو مع الطالبات ؟؟؟؟ صح بنات
ابله مافهمت الدرس
ـ اكيد مافهمتيه..هذا من الهذرة والسوالف والسرحان و الضحك بالحصة
ـ ابله ممكن تعيدين اللي قلتيه ماسمعته
ـ اكيد مابتسمعيني ..انتي وصديقاتك بس تسولفون ..شلون بتسمعون؟
ـ ابله ..ممكن اروح الحمام؟
ـ يعني ماافتكرتي الروحة الا الحين...بعد الحصة روحي،انتم زي الاطفال رايحين جايين
على الحمام
ـ ابله ..ممكن اشرب موية
ـ يعني ماصرتي عطشانة الا الحين..احسن خلك عطشانة عشان ماتشولفين وتتكلمين
المشهد :الابلة شغلت شريط (كاسيت) للطالبات .واحدة من الطالبات قامت وقالت:
ـ استاذة..الشريط اللي سمعتينا اياه من شوي ماكان صوته واضح
ـ لو انتم توقفون الازعاج والكلام اللي صاير بينكم في الفصل كان سمعتوا
ابله منهجنا صعب...خططيلنا على الكتاب-
من قبل المعلمة فيه 3 ردود لهذا الطلب: الرد الاول:ايش؟؟؟اخططلكم؟؟اطفا� � انتم.؟؟
)الرد الثاني:انتي واحدة كبيرة..صرتي بصف (...) لازم تخططين بنفسك
الرد الثالث:مافي تخطيط ..كل شيء معاكم احفظوه
ـ ابله..دفتري ضايع..وش أسوي؟؟
في هالحالة الابلة ترد باحدى هالثلاث ردود: الرد الاول:هاه..نعم؟؟! وش تسوين؟؟ايش
رايك اروح بيتكم وادور عليه؟؟لا انتي دوري عليه وانا شذنبي ان كان ضايع؟؟انا اللي
ضيعته؟
الرد الثاني: لا لا,,الحمدلله..ماعندي دفاتر بمكتبي انا ارسلتها لكم يوم الاحد اللي
فات..
الرد الثالث:ترى ان مالقيتي دفترك..راح تعيدينه لي كامل
المشهد/بنت تمسح السبورة ومشتطة ..بعد ماخلصت من التسميح:
ـ ابله..ممكن أغسل يدي(البت اللي تسأل كانت تمسح السبورة)
ـ انا اعرفكم يابنات ..اذا تبغون تطلعون تسمحون السبورة..لا ياحبيبتي مافي
طلعة..خذيلك منديل
ـ ابله..الفصل حار مانقدر نستوعب
ـ شايفيني انا المصلح اللي يصلحلكم المكيف؟؟روحوا الادراة وقولولهم ..يلا لا تضيع
حصتنا
ـ ابله..فيه نملة تحت الدرج!
ـ اصلا النملة تخاف منكم..يلا بلا تضييع وقت..خلونا نكمل شرحنا..بس عشان نملة صغيرة
مسويين قضية..
ـ ابله الجو حلو..ممكن نفتح الشبابيك
-انتم ماتبغون تفتحون الشبابيك الا عشان تتفرجون على الرايح والجاي..لا ماراح نفتح
ـ ابله بس الجو فظيع..لا نضيع هالفرصة
ـ عندكم فرصتين للطلعة..بعدين..يلا نكمل الدرس
ـ ابله..الشمس على عيوننا ممكن نسكر الستاير؟
ـ لا خلوها احسنلكم ,,الشمس مفيدة لكم
ـ ابله..صراحة..الامتحان كان مرة صعب
ـ اسكتوا ماحد طلب رايكم
ـ(هذا في حصة الفراغ) ـ ابله..الله يخليكي ..طلعينا برة
ـ مجنونة انا اطلعكم؟؟!عشان تسوون ازعاج وتزعجون الادارة..بعدين المديرة ماترضى
ـ ابله..انتي دخلتي اي جامعة؟؟(البنت اللي تسأل الغرض من سؤالها الاستفادة من
تجارب الآخرين)
ـ انتم ملاقيف بس تبغون تعرفون اسرارنا..ايشرايك بعد تساليني متى تزوجت؟هذا اللي
ناقص!!
ـ ابله..انا تعبانة..وديني عند المشرفة
ـ معليش ..لا تشاركين معانا..بس استمعي او تقولها:ـ حطي راسك على الدرج ونامي,
المشهد/دق الجرس وبدأت فسحة الصلاة والابلة باقي تشرح الدرس البنات يقولون :ـ
ابله..نبغا نطلع..بنروح نصلي
(تبتسم المعلمة ابتسامة خبث وتقول:تصلون؟؟ولاّ تلعبون؟؟..وتدورون بالاسياب؟؟
المشهد:المعلمة تملي البنات الدرس..
ـ ابله..ايش؟عيدي
ـ اسكتوا وبتسمعون
ابلة..نذاكر من الدفتر ولاّ من الكتاب؟؟
تتحول ملامحها الى ملامح شر وتقول: ـ من الأثنين..
المشهد/المعلمة داخلة الفصل..والبنات بتأفف يسالونها
ـ ابله,,اليوم بتعطينا درس؟؟
ـ اجل ليش جايتكم؟؟
ـ ابله..ماجبت الدفتر
في هالحالة المعلمة تختار احد هذه الردود:
(1) ليش؟؟ايش قاعد يسوي في البيت؟؟نايم؟؟
(2) اجل ليش جاية المدرسة؟؟؟
(3) شلون نسيتي الدفتر؟؟انحبكت من كل المواد مانسيتي الا دفتر مادتي؟؟
(4) ليه نسيتي الدفتر انتي ناسية الفسحة مثلا؟؟
ـ ابله..ماأستلمت كتاب
ـ ليه؟؟؟ كنتي نايمة لما وزعوا عليكم الكتب؟؟
او تقول:
ـ انا ايش ذنبي؟؟روحي المكتبة****
او تقولها:ـ صوريلك كتاب من اي بنت (رغم امتلاء المكتبة المدرسية بمثل هذه الكتب)
ـ ابله..لا تمتحنينا بالدرس السابق..كان علينا اليوم امتحان وماامدانا نذاكر
الدرس السابق
ـ اصلاً الدرس هذا سهل مرررة وبسيط...ومايبغاله شيء...لو انكم امس منتبهين معاي كان
عرفتوا تحلون الاسئلة حتى لو ماذاكرتوا
ـ ابله..ممكن نتفتح الباب؟
ـ لا..عشان تتفرجون على صديقاتكم..خليه مقفل..عشان تنتبهون للدرس
المشهد/بنت تتعنى وتطلع من فصلها ،وتروح لفصل صديقتها عشان تاخذ منها شيء..تدق
الباب :
ـ ابله..ممكن اكلم (فلانة)
ـ لأ..بعد الحصة****
ـ ابله..بعطيها شيء وأروح
ـ لأ..أطلعي بره..قلتلك بعد الحصة
المشهد/الأبلة تفتش على الواجب..بنت توقف وتقول
ـ ابله..انا كنت غايبة..ماحليت الواجب
الغياب عندي ماينفع عذر..ليش ماكلمتي واحدة من صديقاتك ولا ماعندكم تلفون؟؟؟_
ـ ابله..ماكنت اقدر اكلمهم..لاني كنت مرة تعبانة
ـ مرة تعبانة؟؟(تقولها باستخفاف)اجل ليش جيتي المدرسة اليوم ..كان قعدتي في البيت
في الإمتحانات على الأبواب :
- ابله .. الإمتحان سهل ولا صعب ؟
- يعني... سهل على اللي يذاكر وصعب على اللي ما يذاكر . (أو) (تضحك ضحكه خبيثه )
وتقول : أنتم مستعجلين على ايش بتشوفون بأنفسكم .
في قاعة الأمتحان : الطالبه صكت الورقه بعد ما خلصت مراجعه
- ابلة كم باقي من الوقت أبي أوقع و أفتك
- لااااااا ....... راجعي بدل ما أنت منتحه كذا .. تقولين خلصت بعدين تكتشفين أنك
نسيتي كم سؤال
- ابلة ... و الله راجعت إلين ما حفظت الورقه
- معليش .. راجعي مرة .. واثنين ..... و ثلاثة .....وعشرة
**الامثلة كثيرة..لا تعد ولا تحصى..لكن لاحظوا كيف المعاملة والرد من قبل المدرسات
واكرر واقول ليس الجميع
تحياااااتي لكم
ههههههههههههههههههههههههه هههههههههههههههههههه
[ALIGN=CENTER]ههههههههههههههههههههههههه ههههههههههههههههههههههههه هههههههههههه
عنود .......... شنهو هالهجوم الشنيع على المعلمات :D:D:D
احسنتي تصوير حالكم يالضعيفات خخخخخخخخخخخخخخخخخخخ حليلكم دايم مظلومات :p
لكن ان بغيتي الجد ..... والجد الله يرحمه :confused:
وربي انكم ترفعون الضغط وقليل فيكم اللي يسوونه بعدين انا حاااااااااااس ان هالمعلمات طيبااااااااااااااات مررررررررررة اللي يتعاملون معاكن كذا
المفروض ان اقل ما يقال لكم في هالحالات قومي يابنت اوقفي على ايديكي .. وراسك لتحت ...........
خخخخخخخخخخخخخخخخخخخخخخخخخ خخخخخخخخخخخخخخخخخخخخخخخخخ خ
يعطيكي العافية العنود مشاركة حلووووووووووووووووة مرررررررررة مثلي
|4||4||4|[/ALIGN]
