على صدرها بشويش يا مشرط الجراح... بن حمري يبكي والدته

عيوني تباكا كنـّـها مارد الميـّـاح
تصب العباير عبرةً ترّدف العبره
على أمي .. عسى مجري المباكير والارياح
يعافي بدنها بيده الأمر والدبره
على صدرها بشويش يامشرط الجراح
لاصار إنه يتـعـِب جسمها غزة الإبره
يادكتور بيدك روح ماهي مثل الارواح
محاكيك ماعنده جلاده .. ولا صِبّره
ترى وده إنـّـه قبل ماتجرح أمه راح
على المقبره من ساعته ويـّــحفِـر قبـّره
عساني فدى ماطا تعبها وهي ترتاح
وجعلني ما ذوق افراق ذا الصوت والنبـّره
غدى بيتها من بعـّدها كن فيه أشباح
خواطر هله مكسورتن به ومنجبـّره
عسى الله يردش فيه وتعـِمـّـه الأفراح
ويرّجع على خبري وانا أرّجع على خـُبـّره
وعسى اللي مابر بوالدينه وقام وطاح
على شانهم بين العرب ينقـّـصِـر شـِـبره
ما ألوم المـِفارِق لا أشتحن والجريح إن صاح
ولا قول ياصُغره عليها وياكـُبـره
اقول ان عيوني دمعها مارد المياح
تصب العباير عبرةً من ورى عبره

علي بن حمري

[align=center]

الله الله الله

وهل يلام ابن في مشاعره تجاه امه؟!
قصيدة صورت بعض المشاعر
وإلا فإنني اعتقد ان بعض المشاعر تجاه الوالدين تقف الكلمات حائرة بل عاجزة مستسلمة عن وصفها

صح لسان علي بن حمري

وجزيت خيرا يا عبنون على نقل رائع الصورة والمضمون وفالكم جميعا المليون[/align]

[align=center]
سليمان الله يعافيك
[/align]

عساني فدى ماطا تعبها وهي ترتاح
وجعلني ما ذوق افراق ذا الصوت والنبـّره

قصيده تحمل معانيها الصدق والوفا

شكر الله لك على هذا النقل الرائع
.
.
.
احترامي

؛



قبلة لجبينها الطهر ياعبنون
بارك الرب هذا الاختيار..ولاحرمنيه الرب



.

خطير أبن حمري

أختيار موفق

يعطيك العافيه