مـآطـلّ

..


..



تطُل المواجع ؛ والفرح له زمن ما طلّ
....................... دخيل البرد والتوت يابسمتي طُلّي


دخيل الصفوف الواقفة من تحتها ظلّ
.................... دخيل الصفوف الساجدة كنّها تصلّي


يعود الوفاق لشفّتي رغم قل القلّ
..................... ابي ضحكة من صوتها يبتعد ظلّي


أبي أيّ شي ينتصف لي ؛ أبي لي حلّ
...................... انا من زمن بين النقيضين مدلّي


انا غير ؛ مدري هو انا غير ؛ أو الكلّ
................. هم الغير ؛ وانا اللي عن الغير متجلّي


فشلت أعرب المعرب ؛ تبي أعرب المعتلّ !
..................... أنا أصلا المعلول في كثري وقلّي


دخيلك قريني لاتشدّد علي واضلّ
..................... تخيّل ليا ضليت من يعتني بفلّي ؟!


تخيّل قريني من زمن راحتيني فلّ
.................... أقدّم لهم فلّي وهم يزرعوا غلّي


أنا صبح في تاريخهم ضاحك منفلّ
............ ليا اجدب ثراهم ثُرت به من ندى طلّي


كلامي الآخير ووصله لاغرر لا زلّ

................ مع انهم نسوني باقي بذكرهم كلّي



..



..


م.س.

دخيلك قريني لاتشدّد علي واضلّ
..................... تخيّل ليا ضليت من يعتني بفلّي ؟!


تخيّل قريني من زمن راحتيني فلّ
.................... أقدّم لهم فلّي وهم يزرعوا غلّي



محمد السالم

صح قلبك وكلك

ولي شرف المقعد الاول هنا


تحيتي لك

ياسلام يامحمد السالم

قصيدة لايكتبها الا شاعر متمكن مثلك

صح لسانك ملايين

تحياتي لك

صح لسانك

[align=center]
صح لسانك مليون

وتسلم يمينك يامحمد

ألف شكر لك
[/align]