اكتم هواك..

[poem=font="arial,6,orange,bold,normal" bkcolor="burlywood" bkimage="http://www.g111g.com/vb/mwaextraedit2/backgrounds/8.gif" border="solid,4,silver" type=2 line=1 align=center use=ex num="0,black""]
يابنت نفسي في محبتك دايم=ماتنقطع عنها حبال الموده
في حبكم يابنت هذال هايم=وياجعل حضه صوبكم مايرده
رمشك ترانايم ولا هوب نايم=كذا نواعيسك وللعيب عده
لو لد في عينك من الجو حايم=وقع ومن اعلى الجو والشوف لده
وشلون من شافك على الارض قايم=وشاف الجميل اللي سطع نور خده
يمكن يموت ولا له اليوم لايم=ويمكن حضوضه تاقف اليوم ضده
وانا علي العمر والوقت ضايم=ودي بقربك واشين الحض وده
قربك براد وفي بعادك سمايم=والله يجمعناء بعد طول مده
وانا عن الصدات يابنت صايم=لكن سمعتي هرج عاذل ورده
حبك سكن يابنت جوف الصمايم=وبعدك يهد القلب والله يهده
اكتم هواك ولاتفيد الكتايم=من هو بغاء قربي فلا احب صده[/poem]

ارحب ياجزل القصيد


لله درك اخي هذال على هذه الدره


صح لسانك وعلا شانك



تحيتي وتقديري

صح صح صح إلسانك يا هذال

وبيض الله وجهك

وطيب الله فالك

هذال

رائع مبدع وممتع

ولكن اتعبتني بـ لون الكتابه هههههههه


انتظر تواصل ابداعك


تحيه عطره

محمد

شاعرنا الرائع

هذال العتيبي

صح لسانك ملايين

وحياك وحي ماجبت من جزالة

لاهنت

مشعل الشايقي
بندر النايف
محمد الدغيري
فايز ماجد
منوريناء وصحت ابدانكم جميعا

صح قلبك وكلك ياهذال



جزلة ومن شاعر جزل



ننتظر جديدك من الان


تحيتي لك

صح قلبك وكلك

وسلمت اناملك






تحيتي لك

قصيده جزله من شاعر جزل