مصافحه جديده لي في غرابيل الجزاله
من المخزون اتمنى ان تحوز على رضاكم
لانها قصيده موقف
الطيب بين الناس ياناس مجحود
صار الكرم والجود مثل النقيده
في كل يوم يزود ويزود ويزود
مثل الذواري لا هوت فالجريده
المال يرفع قدر رجال مقرود
شريدتن تلصق لها في شريده
مغير شجرة كل ماهبها النود
تمايلت على الذي هي تريده
لكن يبقى الطيب موجود موجود
غصبن عن الشارد وعن سيد سيده
الطيب باقي عند اهل عزة وجود
اللي ليا جيت الرجل حان عيده
منقود... لا والله مافيه منقود
يفتح مع التاريخ صفحه جديده
يامحلا جلسته في مشيت الذود
لافيه لا شارد ونفسٍ بليده
والطيب باقي لكن يظل مجحود
ويظل عند الناس مثل النقيده
