-
شوق عتب
السلام عليكم ورحمة الله وبركاته
للتواصل:
[poem=font=",6,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
طحت بغيابك غامض الجرح ملقي=الناس جوني وأنت ماجيت للآن؟
كل مسألوني عنك يضيق خلقي=وسؤالهم واحد وهو زارك فلان؟
أكذب على الزوار وأدس صدقي=وأقول جاني أمس حزة مسيان
ولا أنت غايب وعن لقاي متوقي=وشايل فـ(صدرك) دون سبة وزعلان؟
فيك أنت عادة ياغرامي وعشقي=أنك تشيل ويفضحك موق الاعيان
هذا ترى فرقك وأنا عنك فرقي=أني معك لا ضقت أجيك شفقان
والحمد لله طبت وباجيك طرقي=(شوق وعتب) يمشي على هيئة أنسان
أصبح كلام الناس نشبه فحلقي=وأنته مقفل دون سبه وحزنان؟
أسمع: اذا ودك على الود نبقي=لاتشيل في صدرك عليّه بالأحزان
أهرج فـ(وجهي) وقل: ياسيف حقي=وأبشر بمن يرضيك ويجيك ندمان
أما تشيل بوسط صدرك وتشقي=كذا بها الأسلوب ما نصير خلان!
هذا(العتاب) وروّح بدرب شرقي=و(الشوق) ياني ميتن فيك ولهان
ياهوه أضحك شف غرامي فنطقي=محتاج حبك ضمني وسط الأحضان
يللي فـ(سما) حبك أنا أطلقت ورقي=قام يتساجع ويتغنّا بالألحان
طالبك بللي جاب رزقك ورزقي=وقدْر مجيي لك وأنا منك تعبان
لا تشيل منّي فيك ويضيق خلقي=لنّي بدونك تايهن دون عنوان[/poem]
وسلامتكم ورضاكم..
-
أسمـع: اذا ودك علـى الـود نبقي
لاتشيل في صدرك عليّـه بالأحـزان
أهرج ف(وجهي) وقل: ياسيف حقـي
وأبشر بمن يرضيك ويجيـك ندمـان
الله الله عليك مبدع
صح قلبك وكلك يا الغالي
انتظر تواصل ابداعك
تحيه عطره
محمد الدغيري
-
مبدع ياسيف
لله درك
وصح قلبك وكلك
وسلمت اناملك
تحيتي لك
-
http://www.3z.cc/sml/30/003.gif
سيف الدوسري
صح لسانك وقلبك ملايين
لاتحرمنا جديدك
ود,,
-
فيك أنت عـادة ياغرامـي وعشقـي أنك تشيل ويفضحـك مـوق الاعيـان
هذا ترى فرقـك وأنـا عنـك فرقـي أني معـك لا ضقـت أجيـك شفقـان
والحمـد لله طبـت وباجيـك طرقـي (شوق وعتب) يمشي على هيئة أنسان
نص يموج عذوبة ..
سلمت ودمت للأروع ..
-
جزله جزله من راس جزل
بيض الله وجهك وح لسانك تحياتي
-
سيف الدوسري ,,,
صح لسانك يالشاعر ولاهنت
-
محمد الدغيري مرحبا بك مليون وشرفتني بقرائتك لي
-
أبو عبد الرحمن صح بدنك يالغالي ولا هنت
-
صهيل الصمت هلا وغلا وحياك الله
-
لين وين الغيبة مااعاد نشوفك هلا بك
-
فايز بن علي مرحب بك مليون
-
-
سيف الدوسري
صح لسانك
وبانتظار غيثك القادم
-
:::
أهرج ف(وجهي) وقل: ياسيف حقـي وأبشر بمن يرضيك ويجيـك ندمـان
أما تشيـل بوسـط صـدرك وتشقـي كذا بها الأسلوب مـا نصيـر خـلان!
صــــــ السآآآآآآآآآآنك ــــــــح
تقبل مروري
دمـتـ بخير
:::
