(ياشعر)

هذي القصيدة جت من مواقف حصلت لي فالحياة وهي جديده وحبيت أسمعكم أياها

وأعذروني على المباشرة فالقصيدة لأنها جت غصب عنّي..

أٌقول:

[poem=font=",6,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
عقب البكا (ياشعر) وش لون الأحوال=(ياشعر) من يهواك ياعزتيله
أسج عنّك يوم واليوم لو طال=أجيك همي فالخفايا أشيله
والقلب حزنه باقين فيه لا زال=يلعب به الطاروق في كل ليله
البارحة والصمت جارح وقتال=الدمع للراحة خذيته وسيلة
هبت علي النود وجريت موال=وغيّبت عن وعي دقايق قليله
ذكرت من حبه خذا القلب مدهال=والثاني أللي في عيوني مقيله
(ياشعر) روّح صاحبي ذرب الأفعال=وعقبه أعز الناس جاني رحيله
تلعب بي الأقدار من جال لا جال=وش حيلتي؟؟ مالي على الموت حيله
من جيت فالدنيا وانا أشوف الأهوال=ودقايق الفرحة عليّه بخيله
تفارقوا الغالين والدمع همّال=وأسمع حصان الحزن يرفع صهيله
وحتى القرايب مابقى بينها وصال=ماكنّهم نفس اللحم والفصيلة؟؟
غفلة ورى الدنيا ندور ورى المال=وندري بأن الموت يقدر يزيله
لو بالحلال نجمّعه مافي أشكال=المشكلة لو بالحرام نعدي له؟؟
وحنّا ورانا يوم يشيّب أطفال=وكلن بيلاقي في كتابه فعيله
يارب سترك لأنكشف ستر الأفعال=ويارب عفوك عن ذنوب الرذيلة
وتلومني (ياشعر) لو أشكي الحال؟=ماعندي أغلى منك لجل أشتكي له
أخاف وقتي يحدني يم الأنذال=والنفس تبقى في جزاهم ذليله
منه من الله خير من بعض الأشكال=بعض البشر (منّته) تبقى ثقيله
((أكبر قهر لا خانك الوقت وأحتال))=((وحدّك على أللي ماتمنّى تجي له))[/poem]


وسلا متكم ورضاكم...................................... .........((جزل الطواريق))

البارحة والصمـت جـارح وقتـال
الدمـع للراحـة خذيـتـه وسيـلـة


صح قلبك وكلك ياسيف


ولي شرف المقعد الاول هنا


تحيتي لك

ياسيف مقطوعتين جميله الله لايهينك وانا خوك جزل وانت خابرني شهادتي فيك مجروحه
لو بالحلال نجمّعـه مافـي أشكـال
المشكلة لو بالحـرام نعـدي لـه؟؟
وحنّا ورانـا يـوم يشيّـب أطفـال
وكلـن بيلاقـي فـي كتابـه فعيلـه
يارب سترك لأنكشف ستر الأفعـال
ويارب عفوك عن ذنـوب الرذيلـة
ـــــــــــــــــــــــــ ـــــــــــــــــــــــــ ـــــــــــــــــــــ
وتلومني (ياشعر) لو أشكي الحـال؟
ماعندي أغلى منك لجل أشتكـي لـه
أخاف وقتـي يحدنـي يـم الأنـذال
والنفس تبقـى فـي جزاهـم ذليلـه
منه من الله خير من بعض الأشكـال
بعض البشـر (منّتـه) تبقـى ثقيلـه
((أكبر قهر لا خانك الوقت وأحتال))
((وحدّك على أللي ماتمنّى تجي له))

[align=center]
صح لسانك وقلبك أخوي

وتسلم يمنيك على القصيدة

ألف شكر لك يالغالي
[/align]

أبو عبد الرحمن مشكور ألف شكر على تلبية الطلب وحياك الله

فايز بن علي مشكور طال عمرك ولاهنت على الاطراء

خالد مرحبا بك مليار وحياك الله

سيف الدوسري

هلا بك وغلا

صح لسانك الى رضاك

قصيده رائعه بمعنى الروعه

راق لي ماقرات هنا

مبدع الله لايضرك

تقبل مروري

يارب سترك لأنكشف ستر الأفعـال
,,,,,,,,,,,,,,, ويارب عفوك عن ذنـوب الرذيلـة

امين


صح لسانك ياسيف ولاهنت

أحمد مناحي مرحبا بك مليون وشكرا على الأطراء

محمد ضاوي هلا بك مليار ولا هنت على التعليق

http://www.3z.cc/sml/30/003.gif

,,,

((أكبر قهر لا خانك الوقت وأحتال))
((وحدّك على أللي ماتمنّى تجي له))


جميلة منك ياسيف


سلم قلبك واحساسك


ود,,

الشاعر/ سيف الدوسري

مبدع وممتع هذا الحضور



صح لـ سانك عدد بلا مددد



ننتظر تواص ابداعك


تحيه عطره
محمد الدغيري

ياسلام ياجزل الطواريق

رائع ياسيف الشعر

صح لسانك ملايين يالغالي

تحيتي لك