لو .. لو .. لو .. تتعب خطاي !! ( أول معانقة )
السلام عليكم ورحمة الله وبركاته
أعزائي وإخواني وأساتذتي الشعراء ، هذه أول مشاركة لي في قسم الشعر النبطي ، اتمنى أن اكون وفقت في طرحها
أسابق احلامي ولا تتعب خطـاي ..
واسري على ضو النجوم الحزينـه
ارفع شراعي .. ياعسى وين مرساي ؟
لاطراف قلبٍ قد تمــادى حنينــــــــــه
لو تعزفين الشوق .. يبكي له النّــاي
واشكي له الفرقى بنغمــة ونيـــنــه
لو تسألين الليل ، عن بوح نجـــواي
تلقي جوابه : دمعتي في جبينــه
لو تطلبين العذر .. ما اقول نسّـــاي
لو تسلبيني الحزن .. أبقى رهينــه
لو تقطفين الورد .. ومــا كنتي ويـاي
بسقيه من عيني لآلــي ثمينـــــه
لو تظلمين الحب .. ويطلبني الراي !!
أبقى أحبك , دام هالعقــل زينــــه
لو تمسحين الدمـع عن خد رجـواي
ما تعرفي .. كم تنزف يمينـــــــه .. ؟!
لو تسبقين الحلم .. ما تتعب خطــاي
بسري على ضو النجــــوم الحزينــه
وسلامتكم
