( .. الشّعـــوب الخايفه .. )
للتواصل فقط !
.
[poem=font=",6,black,bold,normal" bkcolor="transparent" bkimage="" border="none,4," type=2 line=1 align=center use=ex num="0,black""]
تصيح الشعوب الخايفه في الخفا وتثور=تبدّد مع أول طلعة الشمس ثورتها
تدوّر لها في واحد مْن المشاهد دور=تمنّى تميّز مرّها من حلاوتها
تعيش وتموت وماحدٍ ياخذلها شور=ولا حاوَلَت حتى تمرّر مشورتها
يفيض الفكر من راسها واتْحَبِسْه صدور=يقصّر جهلها بحقّها طول خطوتها
لها كم عام وعام ماتقرب المحظور=هذا طبع في ساساتها وذي سياستها
فدا ريّس الدوله .. فدا البيرق المنصور=شعارات كل الخلق في الكون خلّتها
وحنّا ايْحكم بيت الحكم والشّعَب دستور=متّفقين والدوله هذا سر قوّتها
اذا الغير يحكي في الظلام انحكي في النور=الألسن عجز لايمنع الخوف كلمتها
وسجن السياسه عندنا خالي ومهجور=وحرية التعبير تكبر مساحتها
لنا حول ميّة عام من قبل يبنى السور=قبل لاتحدّد أغلب العُرْب دولتها
شهدنا لحكام البلد ماشهدنا زور=حما حكمهم حد البلاد ومكانتها
ولا أكبر من اللي ارتَكْبَه الهالك المقبور=ولا احتال في الديره ولا شقّ وحدتها
تمرّ أزمه وأزمه ولا نختلف ونبور=نباري القياده وين ماكان وجهتها
عسى الدار معموره وبيت الحكم معمور=وعسى الله يطوّل عمر قايد مسيرتها [/poem]
.
