قصيدة لشاب فقير خطب بنت عمه المليونير

السلام عليكم ورحمة الله وبركاته

طبعا والله انا من وانا صغينونه وانا كبيره
ولا اعرف للضحك والمزح والتنفيه
لكن حبيت ازور بنت برقا والبنات هنا
واهديهم هالقصيده المرحه لعلها تكون مرحه ما تطلع شي ثاني
لاني اغلط دايم اجي بنفه عن نفسي الاقي التنفيه قلب غم



سبحان من يرزق بتوع الملاييـن*** الرازق اللي ما يخيب الرجـا بـه
لي عم عنده معـرضٍ للصواليـن ***أموت واعرف بس من وين جابـه

وإذا سألته قـال بعـت الدكاكيـن***ما يدري إني ما هضمت الإجابـه
الشاهد إني رحت له قبـل يوميـن***في قصره العامـر ودقيـت بابـه

قال ارحب ارحب عدّد ورد البساتين***يا مرحبا باللـي لفـا يـا هلابـه
قلت البقا عـدّ النفـل والرياحيـن ***يا شيخ شمل اهل الكرم والذرابـه

قال اسلم الله يحفظك لي من العين***وآمر أوامر حضرتـك مستجابـه
قلت الصراحة طالبٍ قرب غاليـن*** ودي تزوجنـي كريمتـك يـابـه

ثنّى وقال اهليـن والله وسهليـن***والكون ترخص لجل عينك رقابـه
لكن ترا عندي شـروط وقوانيـن***قلت اشرط اشرط يا حبيب الغلابـه

قال أولاً مهر العروسـة ثمانيـن***غير الرسوم وغير حق العصابـه
والثانية عمك يبي منـك سبعيـن***رسم الأبـوّة والنسـب والقرابـه

وام العروسة حقها منـك ستيـن***عشانها ست الحسـن والمهابـه
واخوانها كلن يبي منـك خمسيـن***عداً ونقـداً تنـدرج فـي حسابـه

وخواتها الخمس اعطهن من ثلاثين***عشان تتوثـق عـروق النسابـه
وتجيب طقم عيار واحد وعشرين***وخاتم من الماس المصفى ترابـه

واكياس متروسة كعوب وفساتيـن***ألوانهـا واشكالهـا مـا تشابـه
وموتر بسواقـه وفيـلا بدوريـن***أثاثهـا مـن بطرتـه ينحكـابـه

واحجز لنا قاعة بقصر السلاطيـن***واحجز بهـا رقاصتيـن وربابـه
وامنع دخول اهل اللحى والبزارين***واعزم أميـر المنطقـة بالنيابـه

هذي الشروط اللي على بالي الحين***وذكرني اللي ما حسبنـا حسابـه
قلت اذكر الله يا عـدو المساكيـن***واستغفـره لا يبتلـيـك بعـذابـه

الظاهر إنك منت عارف أنا ميـن ***أنا لو ارقا فـوق متـن السحابـه
ما جبت حتى نص درزن مواعيـن***واضحك بكيفك واعتبرهـا دعابـه

شروطكم هذي شـروط المجانيـن***شروطكم شغـل ابتـزاز ونهابـه
شروطكم تقصم ظهـور البعاريـن***شروطكـم همّـن وغـم وكآبـه

شروطكم والله سيوف وسكاكيـن***تذبح بنات المجتمع مـع شبابـه
وين الرضا والعطف واليسر والليـن***اللي ذكرهـا الله بمحكـم كتابـه

وين الصفات اللي أمرنا بها الديـن ***وين اختفى نهج النبي والصحابـه
يا عم جعل اللي خلقنا من الطيـن***يرد عقلك مـن خطـاه لصوابـه

ويجعل نصيبي عند غيرك قل آمين***ويحسن عزا الصابر ويجزل ثوابه
قال انت لو فكرت تفكير صاحيـن***ما شفت في مجمل شروطي غرابه

حنا بعصـر العولمـة والمزاييـن *** ماهوب عصر الفلسفة والخطابـه
الناس تسعى للرتـب والنياشيـن***وانت اهتمامك بالشعـر والكتابـه

والشعر ما ينفعك لو هو دواويـن***ما دام جيبك مثـل بيـت الخرابـه
يا بوك لا تسمع كلام المصاخيـن***واسأل مجرب عاش في وسط غابه

قلت الله اكبر يا محـرر فلسطيـن ***من يسمعك يحسبك ذيـب الذيابـه
تراك شايب راس مالـك رياليـن ***والبنت ما تسوى جنـاح الذبابـه

قال انقلع مالت على وجهك الشين****لا عاد اشوفـك عندنـا يالزلابـه
قلت ابشر ابشر لكن الباب من وين***واقفيت من عنده على صوت بابـه..


عساني ما اخذلكن يا بنات في المرح
بس هذي زياره عابره

وه بس بانا مسيرتن علينا اليوم

ياحياس الله

تو ماسفرت وأنورت


وراه يالله إنك تدفع البلا يضيق صدرتس إذا وقفتي عند بابنا من بعيد

أبد وأنا أخيتس أجدعي الهم وتعوذي من أبليس وأدخلي إن شاء الله مانتيب لاقيه إلا كل خير وسعة صدر

ولاتخلين الهموم تسيرتس على كيفها أجدعيها من فوق عمارة المملكه

^

^ اقلبت نصائح



من فرحتي بتس يابانا ماعاد أقدر أمسك لساني


مير أن القصيده تقطع القلب وه لاعادة على عرسن هذا مهره

حلوووووه القصيده


جامعه بين الجد والمزززح

بانا

يعطيك العافييييه

مشكوره ولو اني ما احب القصايد بس
يسلمووو

على صوت باااابه ههههههههههههههه الله الله

صح لسانتس ولسااانه

وش حليلتس فيه امل بيوم تكونين من ذوي الفكاهة والغربله عقب هالبويتات :مزون:

سيري علينا مرة ثانيه ونمدحتس :مزون:

تشااااوووووو بود :مزون:

\\

,’ بانا سـعوديه ’,

.,’ أسعدك الله و أبعد عنك الهم والحزن .,’

.,’ بكل صراحه موضوع و لا أحــلا .,’

دئلت.,’ مساكين العزابيه ’,.دئلت

’,’,’,’,’

أحــــترامي لـك ,’ بانا سعوديه ,’

اختي ...بانا سعوديه...
صراحه موضوعك روعه..
من صج العزاب مساكين ..

تحياتتي * بانا سعوديه*

بانا في قسم الفرفشه..يالله حيها


الجميل أن القصيده رغم مافيها من الهزار إلا انها جزله..صح لسان الشاعر


شكراً بانا

مشكوووووووووورة اختي بانا

من جد هذي الشروط صارت واقع

بس الله يكفينا شر الغلا والطمع...