وجدي على صاحبي ... !!!!!

..


السلام عليكم ورحمة الله وبركاته ,,


نتواصل معكم ضمن أخواننا وأخوانتا ونرجوا أن ينال أعجابكم مانطرح من موااضيع .

[poem=font=",5,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]



بديت بإسم الولي جزل العطايا من عطاياه=خطٍ مايبدا بإسم خلاقنا مايبتدابه

وحده ولا إله شريك اللي نعبده صبح وعشاه=وإن عيش في رحمته وإن خاف من زفرة عذابه

حوضٍ تجيه العرب قطنان وردانٍ على ماه=إليا وردناه نشرب صافيه عذبٍ شرابه

وأصل الفتى لا نطق بالقول بين الناس يحماه=وقدام نطقه لزوم يثمنه يحسب حسابه

وأنا بنيته وساس البيت عزه ساس مبناه=ماهو ببيتٍ ليا ذعذع هوى الغربي غدابه

وجدي على صاحبي : وجد اليتيم اللي من بكاه=شابت رموشه من دموعه قبل زهرة شبابه

ووجدي على صاحبي : وجد السجين اللي بعد جاه=زاير يعزيه فأغلا رفقته وأغلا صحابه

ووجدي على صاحبي : وجد الفقير اللي تبلاه=وقته وجاير زمانه ذبحت إبنه فالقرابه

وحيده اللي يبى منه الحياء من يوم رباه=ثور سلاحه وصابت رأس جاره عند بابه

جاره (توفى) قدم عينه وصكوا حوله أبناه=واللي ذبح ولده اللي يحرصه من يوم جابه

ومن البلا قام يصفق كفه اليمنى بيساره=ويون ونة مريضٍ سقمه المطول صطابه

هذاه وجدي على اللي يوم قفى يحسب أخطاه=وقفت حاير كما من حار فيه أهل الطبابه

روح وأنا مالقيت العافيه من عقب فرقاه=ماصبر القلب عقبه غير ذكره في غيابه

أبكي حسايف واصيح صياح وبالٍ لعفراه=وأكظم سوات الاسير اللي فقد عرش المهابه

وأعيش معزول عن ذولا وذاك وعن هذولاه=ياعيشة الحر ياللي عشت مثلي في كآبه

يامل نفسٍ طواها الحب طي البير ورشاه=على وليفٍ رح عني وقفتبه ركابه

اسمه رديف الثريا وإن بدت جددت ذكراه=والأسم من ماضي الأيام كلٍ يقتدابه

وألا التهايا لو أذكرها واوصف في تهاياه=يشيب شعري ووصفي ماوفيته فالكتابه

خل الشواعير تصاف وصفها اللي ماحسبناه=دام القمر لانتثر نوره ماغطته السحابه

((يامل نفسٍ طواها الحب طي البير ورشاه))=بالله جر اللحن بالله ياراع الربابه

أربه أليا سمعها صاحبي يرجع من أقصاه=ويجدد اللي مضى ويطش عن وجهه ((حجابه ))[/poem]

حجز أول..


صح لسانكـ

وعلا شانكـ









فالكـ الجنه..

صح لسانك يابن العم


ننتظر جديدك

سلام..

صح الله لسانك يالشاعر

ولاهنت على هالرااائعه

تقديري’,,

صح لسانك يارائع

مبدع ومتمكن

لله درك

..

سما الدوحه

..


صح بدنكـ يالغااليه .. مروركـ كريــــم

لاهنتي


..

..

بنت برقا

..


صح بدنكـ يالغاااليه .. حضوركـ مميز دائمآ

سلمتي ولاهنتي

..

مميز دوما يا ناصر


لله درك ودر هذا القلم


وصح لسانك اخوي


تحيتي لك

ناصر الجلاه

هلا بك وغلا

صح لسانك الى رضاك

مبدع كما عهدناك ياناصر

قصيده رائعه لاتستغرب منك ولاتستكثر عليك

لله درك

تقبل مروري

..

شاعرة نجد

..


صح بدنكـ يالغاليه حضوركـ كريـــم واطرائكـ جميل

لاهنتي

..