-
والشين شينن يامال لسلالي
والشين شينن يامال لسلالي
هذا الله يسلمكم يقولون أنه بوه واحد مغير يترزز كل يوم بمكان
مرتن عند السوق
ومره عند المطعم
ومره بالسنه عند المدرسه <<تخبرون العاطلين مايعترفون بشي أسمه نهار
وهالم ماجرى من هالمراريت
المهم ما طول عليكم
جاء ذاك اليوم والرجال مشخص بالحيل 00تسني أسمعه وهو يقول يا أرض أنهدي ماعليك قدي
ويدخل هاك السوق اللي أخر أسمه مول وأوله مدري وشسمه نسيته
ويتلفت يمين ثمن شمال إلا يشوف هاك البنت اللي داقتن اللطمه ومغير يبحلق بها
ويلاحقها بعيونه 00صارن تقل رادارات وهو يناظر ويناظر لين جمدت عنده البؤبؤه وصارت ما تتحرك 00سوت إظراب من التعب اللي جاها
إلا ترحمه هاك البنيه وتجيه وتمد له ورقه وتروح
أخذها وهو خلااااااااااااااااااااااا ااااااص يحسب نفسه يمشي بالهواء
ويروح يتوزى ورى هاك الساريه ويفتح الورقه
تتوقعون وش لقى بها
لقى بها ميه وخمسين ريال وكاتبه البنت
ولي يرحم والديك رح خفف شعرك وأشتر لك فازلين دهن يديك الربش والباقي أشتر لك عطر وخر هالخياس
قال أفا ولا يهمتس يابعد تسبد الجيران كل أبوهم
ويطير ويسوي اللي هي وصته عليه
ويجي مبقق اعيونه ويدورها بين هالبنيات
لين شافها هناااااااااااااااك ومير يمسك طرف ثوبه ويعظ شماغه ويطير لها شوي إلا هو ماسك فرامل بنعاله الزبيريات لين وصلها
قال هاه وش رايتس هاللحين قمر خمس طعشر صح
قالت إيوا الله يقولون والشين شينن يامال لسلالي واحسافة الدريهيماتي إللي راحت :weeping:
أختكم
بقاياااااااااااااااا
^
^
لا تشرهون علي تراني والله فاتحتن الصفحه مدري وش أبكتب بس طلعت هيك معي
وعادتي الميمونه إني ما أعيد اللي كتبته <<أحب أشوف خرابيطي على طبيعتها بدون مكياج
-
هههههههههههههه
بس ياخساره ماقلتي أسم السوق
<< يمكن يمكن ناوي يروح
دمتي بخير
-
بقايا
المشاركة غير اخلاقيه ( مدري اش يعني بس من زمان ودي اقولها) << وقف البؤبؤ حقي من كثر ما تلفت فالموضوع ادور شي احذفه خخ(ناويلك ع نيه)
والله انه موضوع جبار .. تستحقين بطاقه شكر وتقدير عليه << ترقع
سلام..
-
بقايا
توقعت ان البنت كاتبه رقمها لا محاله
<<= يقول بعض الظن سوء
كثيره 150 كان عطتها 15 وتخب عليه
او بلغت الهيئه وهي تحلق راسه على الصفر وببلاش
تسلمين بقايا على هيك حكاية ولا حكاية الف ليله وليله
<<= يقول يازين المواضيع السريعة والخفيفه
تحية عطرة
-
ههههههههههههههههههههههه
اي والله يا خسارة الدراهم <<عايشه الدور
موضوع خطير
بقو لا تحرمينا من المواضيع التلقائية << يمديك على الكلمة
-
كافخ لها
الشرهه على مخيخي شكله مضيعن الأسم
بسوي فرمته وأشوف أن تذكرأسمه سدحته لك
شاكره لك تواجدك
-
بنت برقا
وجودك يكفي يالغلا
تسلمين على تواجدك
-
سعود
شفت البنيه حنينه خالص وكريمه
عطته 150لأنها مراعيتن الغلا اللي يصير
تسلم لمرورك
-
شامخة الذات
ايبله
بس عاد وش نقول للمطافيق اللي مايحاسبون على داهمهم ومايعرفون يحطونها بالزين
يسلم تواجدك
-
هههههههههههههههاااااي
حلووووووه
والله المفروووض يجمعون تبرعااااات للي مطولين شعورهم خخخخخخخخ
من جد بعضهم شعورهم مدري وش تبي :(
بس تصدقين حركتها حلوووه
بقايا
موضوع تحفففففه يعطيك الف عاااافيه
