حب المصالح ينتهي بالزوالي
[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
جتني تقـول العـذر يا عزّ غالي = من غيرك اللي ماخذ القلب ويّاه
اشتقت لك شـوق الظبي للظلالي= عطشان مطرودٍ وتاهت به خطاه
والاّ يتيــمٍ دمعتـه بالهمــالي = يبكي بعـزّ البرد محدٍ تلقّاه
جيتك عسى تعطف وتشفق بحالي = وتدمح لقلبٍ غرّه ابليس واغواه
ما كنّهـا من قـال : " دوّر بدالي" = يومٍ خدعهـا مدّعي المال والجاه
ودّي اسـامح لكن اللي جـرى لي= صعبٍ على مثلي مع الطول ينساه
وشلـون ابنسى صدّها والتعـالي = وشلون اداوي جرح بالقلب مسطاه
ماعـاد له في الفكر حتى الخيالي = النفس شامت من عثى الذيب بحماه
ياما فديت الـروح لاجله ومـالي = ومن فوق راسي شايله همي رضاه
مخلص بجهدي بالعطف والدلالي = وما كنت اظنّ الخبث والغدر مبداه
لعبت بقـلبٍ ما عرف للختــالي= واثري مثل من ينقـل الداب برداه
ما يلـدغ المـؤمن مرارٍ تـوالي= تكفيـه مـرّه ينتبـه وين ماطـاه
وانا انلـدغت امرار واعـزتا لي= فاللي بدمّه غدر.. بالغـدر ممشاه
دربي وضوحٍ والوفاء من خصالي= لكن مـع اللـي يستحقه ويرعاه
قبل امس اشيل الهـمّ مثل الجبالي= واليـوم قلبـي ارتـاح من ما تعنّـاه
(من صدّ عن عيني سلى عنه بالي) = ما ادوّر المقفـي ولا لي بطـرياه
و(من عافنا عفنـاه لـو كان غالي)= ومن باعنـا للكاش ببـلاش بعناه
لا من بدا لك من حبيبك تعــالي = خلّـه يربّيه الزمن لا ترجّـاه
من ما له أوّل ..مالـه بيـوم تالي= ومن فيه طبع.. الطبع مايوم خلاّه
حب المصـالح ينتهي بالـزوالي = مهما تغطّى يكشف الوقت مرماه
دوّر عن اللي يرفـع الراس عالي = حبٍّ يحب الروح بالروح يفداه[/poem]
