معمور يابيتٍ للابطال مدهال=في شرق حائل كل قرمٍ يدله
[poem=font="Al Moharib Free Othman 1,6,black,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
بديت بأسم اللي للاوضاع حلال=الواحد اللي كل وضعٍ يحله
عساك تهديني على خير الاعمال=وأرجوك غفر الذنب كثره وقله
ومن بعد ذكر الله نبي نظم أمثال=ونختار من عذب النبا صافيله
للشيخ ولد الشيخ ضرغام فتال=ذيب الخلا مدهال للناس كله
الجوهر النادر على كل ابو حال=دايم لفعل الخير هو سيدٍ له
عبدالكريم اللي من الحمل ما مال=مثل الجمل كل الملا شاهدله
عبدالكريم اللي ولا فيه ينقال=عذروب من ناسٍ تريد المذله
عبدالكريم اللي على الصعب حلال=مافيه عقداً كايداً مايحله
أبو علي درعاً على الراس وجلال=على القبيله جعلها ساعداً له
إن جاه معتازٍ بذله من المال=يساعد المحتاج في حاجتله
ليثاً مثل غيثاً على ربعنا سال=مثل المطر سحب المخايل تهله
عساك عامر دوم ياطيب الفال=ياللي المفاخر حازها في سجله
طيب وطيبه من قديماً ولازال=طيبه قديمٍ وارثه في محله
أبو علي بالفعل كساب جلال=كل العلوم الطيبه غايتله
من غير اعدد عارفٍ كل رجال=يلجأ لك اللي عجز حمله يشله
لو جيت بذكر فعلكم طال ثم طال=يعجز لساني يذكر الفعل كله
صنديد تحسب من صناديد الابطال=والقلب يحمل لك غلا.. قمت أفله
معمور يابيتٍ للابطال مدهال=في شرق حائل كل قرمٍ يدله
وأنهيت لي قافٍ مركز بالاقوال=وعبرت عن ماشفت وصغت الادله
وصلاة ربي عد ماهل همال=وعد السحاب وعد وبلاً يهلـه
على شفيع الخلق في يوم الاهوال=محمد الهادي طريق الامله[/poem]
وسلامتكم
