[poem=font=",6,blue,bold,italic" bkcolor="transparent" bkimage="" border="none,4," type=2 line=0 align=center use=ex num="0,black""]
خلاص يامجنون وين انت رايح=هون ترى ماخذت فيـه الكفايـه
أدوختنـا بالولولـه والنوايـح=وفي كل ساعه جايبٍ لك روايـه
تحرم عليك الوافيـه والمدايـح=من مبتدا ماقلت حتـى النهايـه
صارت حداثتنا حداثـة فضايـح=ويرفعلها الاعلام بيـرق ورايـه
الشعر حطوله شـروط ولوايـح=والموهبه صارت مجرد هوايـه
صارو على الساحات مثل المنايح=والّكل منهـم سلعـتٍ للدعايـه
لاصفق الجمهور قـام إيتمايـح=وياليل دانـه دان غنـو معايـه
ويقول هبي ؟ يالمزون الروايـح=هبي على خلي هنـاي ودوايـه
والمشكله ينقد ويعطي نصايـح=وحكايته والمزن راحت حكايـه
خلاّ بيوت الشعر مثـل الذبايـح=يذبح ويصلخ تحت كـم العبايـه
أمحق هجوسٍ حركتها القرايح= وامحق ظهور ونعبوها بدايه
لا والله الا الوضع مزري وطايح=وانا أعتبرها في زمنّا جنايـه
وختامها ياسامعين النصايح = الشعر ماهو سلعتٍ لدعايه [/poem]
