[poem=font="traditional arabic,7,darkblue,bold,normal" bkcolor="transparent" bkimage="" border="double,4,royalblue" type=1 line=0 align=center use=ex num="0,black""]
يامن تغيب وغيبتك مالها لون=بالله قلّي بس وين إنت رايح
إن كان من حكي الشياطين مغبون=أنا دموعي نزّلتها الفضايح
أكرمت ناس ٍ مالها عقل وعيون=وذبحت لجل أفتك منهم ذبايح
لاماسلمت من الحكي قبل يمشون=وشلون لو قفّوا وبالقاع طايح
لا تستمع حكيٍ محليه ملعون=حتى ولو يستنصحك بالنصايح
أنا أبيك وكل هالخلق يدرون=ماباقي إلا آغزّ ذيك اللوايح
وأكتب عليها شاعر ٍ صار مجنون=من حب بنتٍ خلّت الدمع سايح
عزّي لمن مثلي كما حال مسجون=قلبه غدى بين المعاليق فايح
داخل عليك الله وباللي يصلّون=بالله قلّي بس وين إنت رايح[/poem]
