[poem=font=",6,,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
الشاعر اللي يكتب البيت باحسـاس= دايم قصيـده مـن خيـار القصايـد
بيت الشعر لا صار ما هو على ساس = ما ظن يفرق عـن كـلام الجرايـد
والفرق ما بين المكاسب والافـلاس=يبيـن لـك عنـد اختيـار الفرايـد
وانا ليا منه دعـا القلـب هوجـاس=بدعت من جـزل القصيـد الجدايـد
اهديت صدر القافيه عقـد الالمـاس=لين استوت لي ما بها حـرف زايـد
مهره تسابـق باللقا قـب الافـراس=مزيـونـة تجمـلـت بالـقـلايـد
فيها معاني حطهـا بيـن الاقـواس=تلقا بهـا صـدق العلـوم الوكايـد
يا من تبي ذكرك يجي يرفع الـراس=خلـك صحيـب للرجـال الـولايـد
المرجله عـاده كريمـه ونومـاس=عند النشامـا فـي نهـار الشدايـد
شعار للـي معتلـي فـوق نبـراس=ما هـي شعـار مكبريـن الوسايـد
اللي عن العليا دخل جفنهـا نعـاس=حيث الـردى لهـل الرديـه عوايـد
والناس قالوا بالمثل طابـخ الفـاس= ما هو بلاقـي مـن تعبـه الفوايـد
كم واحد ما خـط حبـر بقرطـاس=اعرف من اللي يحملـون الشهايـد
واكبر خطا كانك تبي ترضي النـاس=الناس قالوا مرضـي النـاس كايـد
[/poem]
