بسم الله الرحمن الرحيم
السلام عليكم ورحمة الله وبركاته
الاهـــداء
للــ بياض : ناصر البقمي / لكم
مع مساحات من الود / الورد
اولى نقيّه تمدّ يدها لتصافح قلوبكم الاجمل
/
/
زحمة فضـاء والطـريق منيـن
ـــــــــــ والشارع لسـان رايـح جـاي
هـذا الطريـق اشتعـل تنّيـن
ــــــــــــ والصبح يمشي ورى مسراي
مـادام رمـي الهـدف تخميـن
ـــــــــــــ شـرّه علـى رميـة الرمّـاي
الخـوف ماينفـعـه تطمـيـن
ـــــــــــــ لاغاب صوت العقـل والـراي
اصوات ثكلـى وحفنـة طين
ـــــــــــــ وحبل النـدم عقدتـه باقصـاي
من كثـر مامـات بـي حيّيـن
ـــــــــــــ شفت احتضاري علـى موتـاي !!
اصحاب مرّوا عليّ لـ... وين ؟
ـــــــــــــ قبل الحذر مـن امـان اعـداي
من سبحة الود طاحـت عين
ـــــــــــــ والهيـل والمجلـس ومركـاي
جرح الخيانـه علـى الوافيـن
ـــــــــــــ شمـسٍ تبـرّد ظِـلال المـاي
يا امسي الباكـر ... وبعديـن
ـــــــــــــ ماملّـك الـذاكـر / النـسّـاي
ماغير انـا والمـداد .. سنيـن
ـــــــــــــ اغيب والقـاي .. انـا ويّـاي
ان كان ماجيب طاري .. مين ؟
ـــــــــــــ قولوا تعارف .. وحفلة شاي
/
/
/
/
انكـتّ كـلّ الكـلام اوراق شـاي , وغربة سراج
ـــــــــــ ونجوم رمد , وخفافيش , وعـرب تضحـك / حزينـه
مجمع سراب , وتراب , وسرحتين , وسحنـة احـراج
ـــــــــــ اشوفهـا فـي الوجيـه اللـي تنافـر مـن سكينـه !
اشباه الاضداد , تُفرج عن سجين / بسجـن الافـراج
ـــــــــــ نفـس الجريمـه , معالـم كشـف الاسـرار الدفينـه
صبـحٍ يقيّـد بحريّـه / مـسـا حـريّـة سـيـاج !
ـــــــــــ كيف اختنق اوكسجين , ولـي نِفَـس فـي رئتينـه !
خير الوقايه / وقايه من غضـب , لـو شـرّه عـلاج
ـــــــــــ اسبِق رحيل الزمن ! واقـف بـ" عُقـدة " حاجبينـه !
ارواح تقبـض نفـوس اوراق فـي درفــات الادراج
ـــــــــــ ونفـوس تخلُـق ربيـع عـروق قلـب الياسمينـه !
ياصحـوة الشمـس بيـن الغيـم , والـرذراذ هـدّاج
ـــــــــــ صار اصفر / الشارع الواقف علـى ظهـر المدينـه !
اقرب من الريـح لاوراق الشجـر وغصونهـا العـاج
ـــــــــــ وابعـد مـن العـود الازرق عـن سواليـف الغبينـه
ماهو غدر هـ" البحر " لو تكْسِـره صلفـات الامـواج
ـــــــــــ يبسـط يدينـه وفـاء ويـداري هـمـوم السفيـنـه
كنـز القناعـه غنـاة الفقـر , لـوّ الذيـب محتـاج
ـــــــــــ وان نشّـد الرجـم / وبـل العقربيّـه , هـوّ وينـه ؟
العمـر دوّامـة الاقـدار , مثـل الـوقـت رجــراج
ـــــــــــ ينفض غصون العقل مـن عاصفـه وتطيـح تينـه !
عشر الاصابـع تحلّـق / للمطيـح , ازواج .. ازواج
ـــــــــــ وكفوف هـ " الجود " ربحت / بالخساره فـي يدينـه !
احلوق دون اليدين , امواس توصـل / قطـع الاوداج
ـــــــــــ جرح الزمن , والجحـود الملـح يرفـع مـن انينـه !
ابيض على اسود / رصيف الجوع , والمدخال / مخراج
ـــــــــــ ولاّ رغيـف الهنـاء عـنـد القنـاعـات المتيـنـه
