[poem=font=",6,,bold,italic" bkcolor="transparent" bkimage="" border="none,4," type=1 line=0 align=center use=ex num="0,black""]
برق القصيد بهاجسي لاح قافه=من غيمةٍ سالت معاني مطرها
رشّت على حزني رذاذ الحسافه=يومي ذكرت السالفة من ثغرها
مابين همي والغبن والضعافه=لقيت نفسي غارقه في قهرها
ياواديٍ سامرت وحشة ضفافه=خاويتني والعين خاوت سهرها
ظميت احبه والسبب من جفافه=مع السنين اللي فراقه عمرها
يامل قلبٍ حادي الوجد لافه=تقوده الأفكار ويلحق اثرها
كل المسافه والتعب والكلافه=سبتها يومي شفت غرشة عطرها
الهجر كلن فــ المحبه يخافه=والوقت سيفه لثّواني نحرها
والموت ماهو طول بعد ومسافه=الموت رجالٍ بكى من سفرها[/poem]
شعر فهد مفلح
