!! .. أنا أرجع لقحطان العرب وأنت قحطاني .. !!
للتواصل
.
[poem=font=",4,black,bold,normal" bkcolor="transparent" bkimage="" border="none,4," type=2 line=1 align=center use=ex num="0,black""]
بلتنـا الليالـي والتقيـنـا وحبّيـنـا=أنا خلّه الوافـي وهـو كـل خلاّنـي
هوانا على وضـح النقـا ماتمادينـا=ولا عال شيطانه ولا عـال شيطانـي
ويـومٍ مـن الأيـام ساعـة تلاقينـا=جلسنا بعيدٍ عـن بعضنـا و بالعانـي
هدفنـا العيـون العاذلـه لاتراعينـا=ولايعلّم بما شافـه القاصـي الدانـي
نسلّي بعضنا بالحكـي والبـلا فينـا=نجاهد ظروف الواقع المر ... ونعاني
لمـن قلتلـه بكـره تَحَقّـق أمانينـا=تعبّر .. وقال شلون ( وعيال عمّاني )
أنا وأنت كلٍ من عرب لـوّ أسامينـا=أنا أرجع لقحطان العرب وأنت قحطاني
و أواسيه .. ربٍ نطلبه .. مايخلّينـا=أبصبر عشانك وأنت واجه على شاني
لو أقرب قريبٍ مـن أهلنـا يعادينـا=وتذكرني أنت وباقي النـاس تنسانـي
لعـل النّصيـب وقسمـة الله توقّينـا=نهارٍ يفـرّق كـل منّـا عـن الثانـي
وقفنا ووادعنا بعـض .. ماتسابينـا=ولوّح بِيَدْه الطاهره لـي .. وحيّانـي
ورحنا حزانا نـار الأشـواق تكوينـا=وعدّت سنـه وأنـا تَحـرّاه ماجانـي [/poem]
.
سوالم :)
