!! .. جفّ دم العروق .. !!
الشهر عليكم مبارك
نص للتواصل
.
[poem=font="simplified Arabic,4,black,bold,normal" Bkcolor="transparent" Bkimage="" Border="none,4,gray" Type=2 Line=1 Align=center Use=ex Num="0,black"]
جمّعتنا المحبه وأبعدتنا الظروف =رحت لي في طريق ورحت لك في طريق
ساع قامت تلوّح بالوداع الكفوف=جف دم العروق ويَبْس في الحلق ريق
كن الاجساد قفّت والمشاعر وقوف =والقلوب المفارق شب فيها حريق
كل صدر الأمِن يملاه يملاه خوف=وكل دمعه حَبَسها الجفن قامت تريق
منظرٍ كل قاسي منْه أصبح عطوف=مارضى به عدوّ ولا رضى به صديق
ياحبيبٍ له مْن الحور شكل وْ وصوف=كيف قلّي على فرقاك نغفى ونفيق
الوَلَع ضيف خافق .. والألم ضيف جوف=وجرح غيبَتْك من بين الحنايا عميق
الهموم أرهقتنا والحزن مايروف=حبل الآمال يقصر والوسيعه تضيق
لي متى مبتعد .. ياليت ترجع تشوف=شمسنا بْلا أشعّه .. نجمنا بْلا بريق
لوعة البعد مُرّه والغياب امْعروف=كم تمدّد على جاله غريق وغريق
عود طش التمنّي والسهر والطّيوف=والأسى والمحاتا عن عيون العشيق
ماعلى العمر من دونك ندم أو حسوف=ليلته جمرةٍ حيّه وصبحه حريق[/poem].
