ياهنوف ٍ دونها الهجر روح بالعقول===كادت الفرقى تضيع زحازيح الرجال
بسم الله الرحمن الرحيم
كل عام وانتم بخير
,
,
[poem=font="simplified Arabic,6,black,bold,italic" Bkcolor="transparent" Bkimage="" Border="none,4,gray" Type=0 Line=0 Align=center Use=ex Num="0,black"]
في بطن واد الحصى إخ ياراس الذلول=لعنبو من لا ليا ضاق مايشد الرحال
يوم غنا العارضي دق ياراع الطبول=وروح ياضيق الصدر في ثرى الصدر وتعال
ليت شعري يوم أقوله على لساني يحول=بيني وبين السهر في حضن سود الليال
وليت شعري يوم أقوله على لساني يطول=كل مالا قبل أغنيه في عيني يطال
ليت شعري في يده حيلة ٍ أو فيه حول=كان ماجربت كسر الظهر دون المحال
قلت مالا قيل من قول قايل لو يقول=قول ٍ اليا قيل ماعقب قوله مايقال
ياهنوف ٍ دونها الهجر روح بالعقول=كادت الفرقى تضيع زحازيح الرجال
ياهنوف ٍ كنت فيها من الحب إمهبول=ويوم راحت زادت هبالي الأول هبال
أدركي عوج الحنايا قبل عوج المحول=قبل لايدركني إمن الزمن عوج الحيال
في غيابك كل ليله يزيدن الحمول=وقلب ابن عارض معود على شيل الثقال
ليل ياليل العنا كل ماارخيت السدول=دق نجر ٍ من ورى الصدر ثم فاحت دلال
لي شهر وجنون بقعا على راسي تجول=أشرب العلقم ويضحي من الشعر الزلال
أضرب الساحه ليا جيتها عرض ٍ وطول=وكان ماهزيتها مالي ومال الهزال
ياهنوف ٍ دونها عاندت كل الحلول=أذكريني لابدى الليل من روس الجبال
وأبتديت أنظم من الشعر ماقوله فعول=وأبتديت أضرب عن الحزن في قلبي مثال
والله إني دونك أسرجت فضهور الخيول=يوم مصلاح الغنم يركب أضهور البغال
يقنب الذيب وتشارد عن القاع الوعول=ويقنب فراس الجبل والغنم جاها جفال
يادخول ٍ في خروج وخروج ابلا دخول=لاتقولين أحمد العارضي صابه خبال
والله إن الوقت هذا صعود ٍ أول نزول=صح من قال الدهر دوم من حال ٍ لحال
وفي نهاية قالتي إخ ياراس الرحول=ساع ماتمت وانا ساع حطيت الرحال[/poem]
