في محطة قطار العمر وقفت خطاي**شفت علم اليقين وعفت حلم الحياه
مرحبا بكم من جديد
وأبارك لكم بلوغنا شهر رمضان المبارك
الملائكة ساجدة لربها منذ خلقها فإذا قامت القيامة ورفعت رؤوسها قالت : سبحانك ما عبدناك حق عبادتك
مقابل عظمة الله وكبريائه كلنا مقصرون ولن نوفي شكر نعمه سبحانه
ورمضان فرصة للإقبال على الكريم الذي لو سيقت لنا الدنيا بحذافيرها على أن نسجد لغيره ما رضينا
..................
[poem=font="simplified Arabic,6,darkblue,bold,normal" Bkcolor="transparent" Bkimage="" Border="none,4,gray" Type=2 Line=1 Align=center Use=ex Num="0,black"]
في محطة قطار العمر وقفت خطاي=شفت علم اليقين وعفت حلم الحياة
المراكب تخالف بين رايح وجاي=بين صرخة وليد وبين سكرة وفاه
ينتهي مبتداي ويبتدي منتهاي=كل ما شفت قبرٍ فوق راسه حصاه
عند صمت القبور يضجّ ساكن خفاي=يصرخ الذنب في روحي ويرعب صداه
اسمعه ويتلوّى في رقبتي خطاي=وارفع يديني لربّي ولا لي سواه
قدم عيني تمرّ حروف قصّة شقاي=كل ذنبٍ نسيته والولي ما نساه
مرعمري وانا سبّاح غبّة هواي=كل موجٍ ليا اقفى جاك موجٍ وراه
والبحر ماه ما يقطع مرارة ظماي=ليتني متّ ما شفته ولا ذقت ماه
جعل يسقى زمانٍ فيه لذّة صباي=الصّحايف بياض وكلّشٍ له طراه
زاد حمل الكتوف وضاق فيني فضاي=والنّدم فاض من عيني على مبتغاه
سجدةٍ تحت ربّي ما تخيّب رجاي=يدري انّا لغيره ما حنينا الجباه[/poem]
محبكم
عبدالله بن راجس الدوسري
...
