[poem=font="simplified Arabic,6,black,normal,normal" Bkcolor="transparent" Bkimage="" Border="none,4,gray" Type=2 Line=0 Align=center Use=ex Num="0,black"]
يالشمّري والليل بآخر هزيعه = جا للشعر فى الصدر ورده ومصدار
السم انا شفتك تجرّع نقيعه = يا حر يا ابن الحر يانسل الاحرار
قريت شعرك في لميس ..الوضيعه =ومعناك هيّضني على بدع الاشعار
لا واخسارة شعرك اللي تذيعه= في غاويه ..عاشت على الذل والعار
مالك ومال اهل القلوب الوجيعه = اهل الهوى.. واهل الغوى.. سر وجهار
ترى الحيا.. سيف(ن) ..يشجّع لميعه = والزين.. ماينفع.. لامن الحيا طار
ترى الحيا.. للبنت ستر وذريعه =لا ضاع... ما تسوى لها ربع دينار
ولميس .. رهن ابليس ..صارت صريعه =فتنه ..فعلها بالفتن.. جاله اذكار
بنت الرخوم .. مضيّعين الوديعه = ضاعت وصاعت .. واصبحت رمز واشعار
رمز الرذايل والخنا والخديعه = واشعار عار ..اعمى البصاير والابصار
الوجه فاضح والملابس خليعه = سلعه رخيصه ... بين عامر وعمّار
من رادها... جاته بخطوه سريعه = ماهي هوى من يعتلي قب الامهار
زرع(ن) بلا حامي... قليل(ن) نفيعه = كل(ن) يجيه ويقتطف منْه الاثمار
ويحيى ... من اللي قال نفسه شجيعه=ياعنك ماهو من طويلين الاشبار
يخسى سويد الوجه نفسه دنيعه = راعي ردى قاصر جدى ميّت النار
اهو .. وهي .. ياجعلهم بالقليعه =ياجعلهم... للموت قصّاف الاعمار
ويا الشمّري كل(ن) يقف دون ريعه =وانا من اللي دمّهم ياولد حار
هرجك ترى بالقلب مونس وقيعه = يامطاوع الهقوه على كل مشوار
ترى... جمال الجسم .. قافيه ميعه= ولاخير فيه .. إليا غدى كلّه غبار
ويالشمّري وش هرجك اللي تشيعه = مابه كما الزين الخليجي بالاقطار
ياعنك دايم مركزه بالطليعه= زين الخليجيّه مع الوقت مابار
تمشي على درب الهدى والشريعه = الخيّره ... بنت الرياجيل الاخيار
ماهي لشيطان الرذايل ركيعه = بنت الشرف .. نسل النشاما هل الكار
من دونها حد السيوف البريعه= حامينها .. حمّاية الدار والجار
من يومها فى المهد طفله رضيعه =وهي لها حشمه وقيمه ومقدار
وختامها والليل بآخر هزيعه= صلى الله وسلّم على خير مختار[/poem]
