[poem=font="simplified Arabic,5,blue,normal,normal" Bkcolor="transparent" Bkimage="" Border="none,4,gray" Type=2 Line=0 Align=center Use=ex Num="0,black"]
ماكل مركب يصمـد بوجـه لهـوال=ولا كل نفس(ن) عالشدايد صبـوره
عند الفهاني كم صداقـات وابطـال=وياقلـهـم لحتجتـهـم للـظـروره
ماكل من ذكر لـه خصـال رجـال=ولا المره في كـل الاحـوال نـوره
لا واحسافـه عمنـا شـر لـنـذال=والحر صارت سمعته في خطـوره
بسبـاب منـه للتفـاهـات مـيـال=واكبر طموحه لى حضر قيم كـوره
دايم مـع امثالـه بالسـواق جـوال=بياع هرج ويشمت ان شاف عـوره
مايقتدي بلي لـه الصـدر مدهـال=وان جاه زلـه كنهـا وسـط زوره
ابيـه سائـل قبـل ملفـاه مالخـال=ان غاب يفقد والسعد فـي حضـوره
الفرق شاسع بيـن غيث(ن)وهمـال=وكلن يحصل ناتجـه مـن بـذوره
احد(ن)اذا طاح ارتكز وان نوى طال=وتثني البعض عثره تصادف مروره
واحد(ن)جعل همه بتجميـع لمـوال=متجـب الصايـب وتـبـاع زوره
واحد(ن)يقوم اليل في خيـر لعمـال=همـه يشيـد للعواقـب قـصـوره
واحد(ن)على دور الخنا بذخ بهبـال=واذا عطى يرسل للاعـلام صـوره
واحد(ن)يمنه تجهل ان مـد لشمـال=قناعنه هي السبـب فـي سـروره
مني نصيحه وضعها جاري ارسـال=لـلـي ملـذاتـه تنـسـيـه دوره
لا تامـن الدنيـا ويطربـك مـوال=الـي يزيـن ماثمـار محـضـوره
انظر نهايـة كـل جبـار مختـال=كيف انهدم من ريح قصره وسـوره
ماكـل مايسمـع يصدق وينـقـال=ولا كل من يفتـي سديد(ن)بشـوره
بالعقل نعرف غبـة البيـر ماجـال=والي بلوحه يختلـف عـن زبـوره
شمس الحقيقـه ماتغطـى بغربـال=والمصطفى نور بذا الكـون نـوره
هو السفينه من مسك عروتـه نـال=شفاعته لى حـان موعـد عبـوره
الله يجنبـنـا ثقـيـلات لحـمـال=ويجعل لنا ربـي نصيب(ن)بحـوره [/poem]
