-
مرثـيـة الــــعــــود
(( مرثية العوود ))
[اليا بغـيـت انشد عن احوال الايتام ... هلت دموعي مثل رش السحابه
والـلـه لــومـادينـنا ديـن الاســلام ... الـخـوف مـن ربـي وقوة عقابه
ماتندفن وسط الثرى يابن الاكـرام ... ولاترتكز من فوق راسك نصابه
من عقب فرقا شايبي مر بي عـام ... شفت المصايب والدهر وانقلابه
الـلـي فـقـد مـثـلـك تـوريـه الايـتام ... مـن كـثـر حزنه قام يفقد صوابه
يـاجـعل مـنـهـو لامـني فـيك ينـلام ... مـاجـربـوا مـر الـدهر مع عذابه
ياونت اللي يـحـتري حكم الاعـدام ... سـلـط عـلـيـه الـدهـر وراه نابه
مظلوم وسط السجن والناس ظلام ... وهـاذي حياتــه لين موته غدابه
ياشـايـبـي والـناس هـجـعـا ونـيام ... يـشتاق صـدري للشعر والكتابه
الـلي عـلى الـهامات ركًاز الاعلام ... احـسـن عـزاكـم في فقيدة عتابه
الـقـلـب لـهـمـومـه ولـلـحـزن كتام ... ولامـرنـي طـاريـه هـلـيـت مابه
مـادام ذكـره داخـل الـقـلـب مــادام ... ولاشـي عـن ذكراه قلبي سلابه
الشعـر مـعـنـى يـربطه قـيد وخطام ... وانـا زعـيـم(ن) لـلقوافي تهابه
طـوًعـت شردها من الشرق للشام ... والـلي مـن الـشعار ليله سرابه
الـكـوبـج الـلي فوق مورودكم حام ... مـورودكم يالربع غثرب شرابه
مـرحـوم يـاللـي بـالـمـواقيف لطام ... الـلي عـلى المرقاب نوًخ ركابه
هـو عـزوتـي لادق لـلـحرب دماام ... والـسـيف قـوة سلته من نصابه
يـاجـعـل وزنـه مـايـكـيـل بـالارقام ... ويـاجـعـل فـي يمناه يعطى كتابه
وخـتـامها صلوا على سيد الاكرام ... الـمصطفى من بين كل الصحابه
وعداد من صـلى لربه ومن صاام ... وعـداد مـاهـلت مزون السحابه
وســـلامــتــكــم
-
الله يرحم شايبك ويجمعنا به ووالدينا في مقر رحمته
مشعل الثبيتي
صح لسانك ولاهنت
-
الله يغفر له ويرحمه
صح لسانك يا مشعل
قصيدة جزلة
وبانتظار جديدك
-
الله يرحمه
وصح لسانك أخوي
-
والـلـه لــومـادينـنا ديـن الاســلام ... الـخـوف مـن ربـي وقوة عقابه
ماتندفن وسط الثرى يابن الاكرام ... ولاترتكز من فوق راسك نصابه
من عقب فرقا شايبي مر بي عام ... شفت المصايب والدهر وانقلابه
الـلـي فـقـد مـثـلـك تـوريـه الايـتام ... مـن كـثـر حزنه قام يفقد صوابه
مشعل الثبيتي
رحمه الله رحمة واسعة من فضله واسكنه فسيح جناته
سلملنا قلبك وبنانك
ودي,,
-
العذر صهيل الصمت في اخطاء في الابيات اللي انتي نسختيها من القصيده ارجو تعديلها (( لمنع كسر البيوت )) وتشرفت بردك
-
الله يرحمه ويدخله الجنه من اوسع ابوابها
وعظم الله اجرك يامشعل
صح لسانك يالنشمي ملاييين
ولك تحيتي
-
اليا بغـيـت انشد عن احوال الايتام ... هلت دموعي مثل رش السحابه
والـلـه لــومـادينـنا ديـن الاســلام ... الـخـوف مـن ربـي وقوة عقابه
ماتندفن وسط الثرى يابن الاكـرام ... ولاترتكز من فوق راسك نصابه
من عقب فرقا شايبي مر بي عـام ... شفت المصايب والدهر وانقلابه
الـلـي فـقـد مـثـلـك تـوريـه الايـام ... مـن كـثـر حزنه قام يفقد صوابه
********
اللهم صلى على محمد واله وصحبه
الله يرحم موتاكم وموتى المسلمين
صح لساااانك يالقرم
وبيض الله وجهك
-
مشعل الثبيتي
هلا بك وغلا
الله يرحم شايبك وعسى مآله الجنه .
رغم مرارة شعر الرثاء الا انه يتميز بصدق العاطفه مما
يجعله يلامس نفس المتلقي مباشره .
كتبت فابدعت الله لايضرك
تقبل مروري
-
/
مشعل الثبيتي
الله يغفر له ويرحمه
وصح لسانك يالغالي
دمت بخير
-
اليا بغـيـت انشد عن احوال الايتام ... هلت دموعي مثل رش السحابه
والـلـه لــومـادينـنا ديـن الاســلام ... الـخـوف مـن ربـي وقوة عقابه
ماتندفن وسط الثرى يابن الاكـرام ... ولاترتكز من فوق راسك نصابه
من عقب فرقا شايبي مر بي عـام ... شفت المصايب والدهر وانقلابه
الـلـي فـقـد مـثـلـك تـوريـه الايـتام ... مـن كـثـر حزنه قام يفقد صوابه
الله الله الله
الله الله الله الله
مشعل الثبتي
الله يجيرك من الحزن ويرحم شايبك
صح لسانك يامبدع
تحياتي وتقديري لك
-
صـح لـسـااانـك و سـلـم بـنـااانـك
لك فـائـق الـتـقـديـر
م / م
.
-
