-
ياعبيد لاتنشد عن الحال
ياعبيد لا تنشد عن الحال ياعبيد.......غربه وقل المال ودنيا شقيه
توقفت دنيا السلامي على قيد..........ولافيه طب كود رب البريه
اساير همومي واخفي العذاريب........هذي صفات اللي عزومه قويه
حداني القاف اكتبه من تجاريب.......دنياوصدمات الزمان العصيه
مير العزوم اللي قويه من الحيد.......تغفرعن الزلات وتدمح خطيه
والمشكله لاجاك ذنبك من قريب......وشلون تدمح زلته والاسيه
كم مرتن نسمع من قريب وبعيد.......كثر المشاكل مثل ذيه وذيه
في هالزمن لاتنبهر لاطلع شيب.......في راس طفلن والملامح بريه
عزالله اني ذقت مر العواقيب..........اللي تهد جبال لوهي رسيه
ادخل على الله عالم السر والغيب ....وشعادلي ماجاني وشعادليه
رجيت رب اللي يجيب المطاليب .....يخفف من هموم قلبي شويه
وحطيت انا الزهاب فوق المراكيب....ناوي على الرحله ورحله مديه
لاعادلي صاحب ولابه مصاحيب......بروح يم ارض الخلا والخليه
ولاعادلي تدفع ولاعادلي تجيب......دنياوما فيها امورن دنيه
وياعبيد هاك العلم والعلم تدريب.....احذر زمانك لايغرك بهيه
الماثل امامك كم جته اللواهيب.......يستر على ذيه ويدمح بذيه
وصلاة ربك من فعايلك لاتغيب.......يكفيك ربك شر بلوا البليه
واعدادما تطلع لنا شمس وتغيب.....اللهاكبر فالعشاوالضحيه
ومن بعد ذكر الله طفتبي لواهيب......واطفيت نارن كانت النارحيه
وسلامتكم
-
السلام عليكم ورحمة الله وبركاته
ياعبيد لا تنشد عن الحال ياعبيد.......غربه وقل المال ودنيا شقيه
توقفت دنيا السلامي على قيد..........ولافيه طب كود رب البريه
اساير همومي واخفي العذاريب........هذي صفات اللي عزومه قويه
حداني القاف اكتبه من تجاريب.......دنياوصدمات الزمان العصيه
مير العزوم اللي قويه من الحيد.......تغفرعن الزلات وتدمح خطيه
شكرا لك اخوي لكن القصيده فيها عيب الا وهو اختلاف القوافي وقد وضحته لك باللون الاحمر
الا اذا كان هذا اختراع من عندك لنهج او شي جديد في نفسك هذا شي اخر .
تحياتي .
-
هلا بك اخوي فايز
كلمات غايه في الروعه
لا هنت
وانا لست مع الاخ حماد
فالقافيه تكون بنهاية الشطر الثاني وليس الاول
هذا رأي شخصي ويا ريت الأخوه الشعرااء يدلون بما لديهم
لا هنتم جميع
-
صح الله لسانكـ
صح الله قلبكـ
انتظر جديدكـ
تقبل حياتي بدل تحياتي اخوكـ عبدالله الدلبحي
...
-
كلامك سليم ياحامد الروقي
والقصيده تعتبر محاوله اتمنى ان اشاهد لشاعرها الاجمل
النااااايف