والوقت غربلني وجيت الغرابيل
[poem=font="traditional Arabic,6,darkblue,bold,normal" Bkcolor="transparent" Bkimage="" Border="none,4,gray" Type=1 Line=0 Align=center Use=ex Num="0,black"]
مريت بالي مثل طرياحياء السيل=لسماع بدون كل ليله اتخايل
برقا سرى يقدح تحت عتمة اليل=بعد عرفت ان البخت عنك مايل
وقض جروحي هاجس رجح الكيل=بكفوف ميزان العقل بالدلا يل
وقارنت وصلك باليال المقابيل=وشفت أنه الي مستحيل المسأيل
وإن الهجر يرجح بكيل المواصيل=ومخفى الزمان اكبرمن ماتشوف هايل
يالي إنفاسك كنها نفحة الهيل=ماتدري ان الصمت حمله ثقايل
ويئن صدري واشرحه بالتهاليل=وإن ماإنشرح قعدت معه بتحايل
نوب اختلق له جو ونوبن مواويل=وانا اعرفه بالحزن كايل وكايل
والوقت غربلني وجيت الغرابيل=بكتب بها عن مااشعره بالمثايل
لني تعبت اعد وقتي وانااشيل=حزني وحزن الي شكى من غلايل
كل مايهل شهرن طلع كنه بريل=ومن يعرفون الصدق ناس ٍقلايل
صرت استسيغ اليوم طعم البهاذيل=بوقت ٍ نفاقه صار غدروتحايل
وقت ٍ يذل الروس ويعلي الذيل=ماوقر عيال الا صل والحمايل
تبي تعيش بهالزمن قدس القيل=نافق تعيش بهالزمن دون طايل
نمنم وفرق والنمايم محابيل=حتى الكديش يعد من الا صايل
المال للانذال والا الرياجيل=دايم بفقر وعزها بالجمايل
واهل المهايط والحشو والطهابيل=ترقاء على الاكتاف بلا حصايل
ناس ٍ بعضها كبتقول ومساطيل=من نشوة المفعول دايم تهايل
كتل بشرمن دون حس وبراميل=مادريو إن العمر لوطال زايل[/poem]
