-
حــروف اليــَعربي
السلام عليكم ورحمة الله وبركاته
مـُتواضعه أتمنى لها القبول
[poem=font="simplified Arabic,5,black,bold,normal" Bkcolor="transparent" Bkimage="" Border="none,4,gray" Type=2 Line=0 Align=center Use=ex Num="0,black"]
يا هـاجسي لامـن طلبـتك على شـان = أشـرح لـك الجـزله بـصوت ٍ وصوره
إرقـى وخلـّك فوق لا صار لك شان = فـي قـلب مـن ناداك وإحـفـظ شـعـوره
مـشاعر ٍ تضحك على طـَرق زعلان = فـي مـوقـف ٍ مـحـظـور كـلـّه خطوره
خـطـورتـه تـفرق مـن إنـسان لإنسان = وكـل ٍ يـقـيـس بنــظـرتـه ويـش دوره
يـا هـْـل القصيد اللي تجرّون الألحان = مـعـقـول صـار الستر للناس عوره ؟
الزود ما يـَرضى على الـزود نقصان = والــنقـص نـقص وقمـّتـه فــي حدوره
واللــي يـقول إنّ الشـعر فيـه هيـمـان = وإنّ الشــعر بــإسمه تــغنـّت بـحـوره
لـلـهـزل ميــدانــه ولـلجــزل مـيــدان = والـبــدْر مـاهو بــدْر لا غــاب نــوره
لـو الشــعــر لـفــلان وفــلان وفــلان = أنــا أشـهـد إنـّه مـــاحـد ٍ طـَق كــوره
حـقـوق مـحفـوظـه تـُسمـّى بـالأوزان = فـطـره تـجـي مـاهـي شـهـاده و دوره
وإحـسـاس راقـي مـا يـقدّر بـالأثـمان = ينحت صخر والفكـْـر بأزكى عطوره
راحت حروف اليـَعربي في خبر كان = كــلـّه لأجــل عـَيــنا مـنـيــره ونــوره
وقـريحة الـهاوي عـلى قـدر الإمـكان = شـالـت أحـاسيـس الشعـر من جذوره
ويـن الحـَيـا فـوجـيـه ذربـيـن الإيـمان = ويــن الصبــر والنفس ماهي صبوره
يـاهـاجـسي دوك إعتـرافـي بــقـيـفـان = عــليـــه خـَـتـم إسمـي بآخـر سطوره
الـحـرف لـو له عيـن وشـعور وإلسان = يـلغي حضور الناس روعة حضوره[/poem]
وسلامتكم
-
فيصل الدلبحي
صح لسااانك
ولاهنتتتتت
وتسلم ويسلم رااسك
النااايف
-
صح لسانك اخوي فيصل على القصيده الجزله
تقبل تحياتي
-
فيصل
ما أقول إلا أنك مبدع
ولك بصمتك الخاصة
صح لسانك
ولله درّك
بانتظار جديدك
-
لو الشعر لفـلان وفـلان وفـلان
أنا أشهد إنّه ماحـد ٍ طَـق كـوره
لا ابشرك دام شعرك بهذه القوه والجزاله بتطق كوره وتهدف بعد
صح لسانك مدد بلا عدد
تحياتي يا بطل
-
مبدع يافيصل قصيدة رائعه بكل ماتحمله الكلمه من معني
-
/
الله الله
فيصل الدلبحي
الله يعطيك العافيه
قصيده وافيه وجزله وتحمل معاني شاعر متمكن
ومصافحه ثانيه تجبرنا على انتظار جديدك
صح لسانك مليووووووووون
دمت بخير
محمد بن نايف
-
فيصل
قرب خشمك امماه
ها.....رح غسل عن ريحة عبس الابل
وصح لساااانك لين تقول بس ونت لا تقولها خلني اهوجنها
لين كلن يوحيهاا تقبل تقيري ومتابعتي المستمره
-
ياهاجسي دوك إعترافـي بقيفـان
عليه خَتم إسمي بآخـر سطـوره
الحرف لو له عين وشعور وإلسان
يلغي حضور الناس روعة حضوره
الله الله
فيصل الدلبحي ,,
جزله من راس جزل
صح لسانك يالغالي
أبداع وتميـز
تحياتي لك
-
صح لسانك يافيصل
قصيده جزله تستاهل الاشاده
وانت كفو للقصيد الجزل
بيض الله وجهك يافيصل
ولاهنت
تقبل مروري
العطاوي
-
نياف العتيبي
صح ابدنك لاشنت
الله يسلمك
وشكرا ً لك على المرور
-
ابراهيم العضيله
صح ابدنك طال عمرك
وتشرّفت بمرورك الكريم
-
مفرح بن مناحي
صح ابدنك ولاهنت
وشرّفتني بمرورك كل الشكر لك
-
بدر ناصر المورقي
صح ابدنك يابو ناصر
ولاهنت على كلامك اللي اعتبره وسام
كل الشكر لك ولمرورك الكريم
-
سعود المجلاد
الله يسلمك وشرّفتني بمرورك
كل الشكر لك
