عن الادب مافيهم ادنى حميه ,,,
للتواصل
وبمناسبة قدوم شاعر المليون للرياض وغير شاعر المليون ،،،،
اتمنى ان تنال على اعجابكم
[poem=font="simplified Arabic,5,firebrick,bold,normal" Bkcolor="transparent" Bkimage="" Border="none,4,gray" Type=1 Line=1 Align=center Use=ex Num="0,black"]
ياقاطع الوديان مافيه فيٌه = ولو فيه فيٌه وين .. هل هي تسعنا ؟
فيني من اللي فيك ومافيك فيه= لو تحرق الشمس الفضا ماجزعنا
شي ن على بالي ولا هوب ليه = عليه انا واقرب قريب اجتمعنا
بيت الادب عالي عليك وعليه = مهما جمعنا في كتاب وطبعنا
البيت مبني من عصور اوليه = لكن ضاق البيت حيل وطلعنا
صوت ن يجي من جيل شعار ميه = وعن تسعه وتسعين صوت انقطعنا
كنا نبي نبني على البيت .. شيه = لكن رجعنا كيف مدري .. رجعنا
وماعاد ممشانا عن البيت جيه = واقع غريب ومجتمعنا منعنا
مافيه شيٍ يفرض الشاعريه = مير الجهل حوتٍ كبير ابتلعنا
الشعر يطلع في مواقف قويه = مواقفٍ فيها لقينا وجعنا
واليوم راع الغي جاني بغيه = غاوي تبع غاوي بعد ماتبعنا
صار الردى عادي والاردى شويه = يقفُي اوزانه على غير معنا
ماقول انا كل القصايد رديه = يمكن لقينا شي فيه اقتنعنا
هو شاعرٍ طيب ولا فيه زيه = لكن مع الخداع باع وخدعنا
واكبر دليل يصيح صبح وعشيه = قال ادفعو مال اليتيم ودفعنا
عن الادب مافيهم ادنى حميه = وان قلت لا تخطون يقولون .. دعنا
واعذارهم خيمة بلا عاذريه = قالوا رقينا بالقصيد ورفعنا
اغراب تبني فالبلد عنصريه = حفره وفيها كلبونا وقعنا
من قال ابوي بسلم اهلنا خطيه = وين الشبه من فعل ابوي وسنعنا ؟
واللي كوى مجروح ثم زاد كيه = قصيدهم مرغوب في مجتمعنا
ياقاطع الوديان مافيه فيٌه = ولو فيه فيٌه وين.. هل هي تسعنا ؟[/poem]
وسلامتكم
