@@ شــــــــــــــــاطي اللــــــــــــــــيل @@
[align=center]الليل له طعم خاص
هنا في احساس العشّاق
في لمحات المحبين
في نجوم السماء
لخيالي
[poem=font="traditional Arabic,6,crimson,bold,normal" Bkcolor="transparent" Bkimage="" Border="none,4,gray" Type=1 Line=0 Align=center Use=ex Num="0,black"]
:=:
في خاطري اجلس على شاطي الليل = و اكتب حروفي مع ترانيم الامواج
:=:
موجه ورى موجه و عيني على سهيل = المح بريقه في السماء نور وهّاج
:=:
هيضني المشهد و جات المواويل = و انسابت الكلمه على خيوط ديباج
:=:
قمت اتخيل وش حصل بالتفاصيل = في ليلةٍ فيها البحر حيل مهتاج
:=:
كيف إن ريقه بّدل الملح و الهيل = ما عاف فمي طعم ريقه و لا ماج
:=:
اناظر الشفه على اطراف منديل = لحظة مسح روجٍ حمر وسطه العاج
:=:
والكحل الاسود لو جزع من طرف ميل = لعيونه النجلا .. كحل رمش .. و حجاج
:=:
الناهض اللي ركزته ركزة الخيل = اجمل فرس بين الاصايل و الانتاج
:=:
واهج سنا ذاك الجبين فـ قناديل = يكسف وهج شمسٍ عكس نوره الصاج
:=:
و فوقه سحابٍ جعل قاعه له السيل = يروي دياره لو على اطراف قرطاج
:=:
اللي فرق عن كل جيلٍ بعد جيل = مزيون خلقه كاسب الزين و التاج
:=:
لا احدٍ يلوم الناس في القال و القيل = الخير واجد و الحسد صار منهاج
:=:
الحب نعمه لو يقارن مع النيل = الحب يعطي و اسفل النيل ثجاج
:=:
كتبت لك شعري على شاطي الليل = و جاتك حروفي مع ترانيم الامواج
:=:[/poem]
اجمل التحايا
ناصر السحيمي[/align]
