][ رسائل جوال أرسلت بالغلط ][
[align=center]
http://images.blogcn.com/2005/4/22/5...5042282118.gif
سلام عليكم
.
.
اليوم جايب لكم بعض الرسائل الي
ترسل بالغلط وتسبب احراج
.
.
.
.
بنات كانوا في الجامعة شله وكانت وحده منهم عازمتهم
وجت وحده من البنات كتبت لصاحبة العزيمة
( إذا أنتي عازمة نجلاء أنا ماراح أجي ودبري
لي أي عذر قوليه للبنات بصراحة أنا استثقل
دمها وإذا ناديتيني مره ثانيه لاتنادينها وأوعدك بجي أوكي)
( وأرسلت الرسالة لنجلاء )
:اوبس اوبس:
مره كانت وحدة ترسل مسج حق رفيقتها تقول لها
تحسب لي طارئ بالدوام لان مالي خلق أداوم
المهم هي حافظة رقم رفيقتها بس كتبته غلط وشوي
يدق عليها الرقم واستغربت أن طلع رقمها بدون اسمها
ورديت على التلفون طلع لها واحد قال
( عن الخبال قومي لبسي وداومي )
طبعا هي انصدمت وسكرت الخط على طول من الخوف داومت
:نعومي:
وحده كانوا أهلها عازمينها وزوجها طالع استراحة
مع أخوياه وما حضر العزيمة هي بترقع له عند أبوها
قالت انه معزوم على العشاء عند عمه وكتبت رسالة
لزوجها ترى أهلي سألوا عنك دبرت لك عذر قلت لهم
أن عمك عنده عزيمة
(وأرسلت الرسالة لأبوها)
:tongue:
مره وحدة كانت والده في المستشفى ووحده من صديقاتها
جالسه من العصر عندها يوم جت الساعة 11 ملت منها
وهي ماعندها نيه تروح وجالسه تسولف مع أمها وأخواتها
دق عليها زوجها قال بمركم بعد شوي ، وهي ماعندها نيه
تروح وتقوم تكتب رسالة لوحده من أخواتها تقول لها.
( ترى زوجي بيجي وهالنشبه مستانسه على الجلسة
مليت منها الله يصلحها شكلها ودها تتسحر
عندنا لاتسولفون معها عشان ماتستانس
وتمل وتطلع الله ينشبها )
وأرسلتها لصديقتها
:خجل:
وحده أرسلت لجارتها وقالت لها تجيها بعد المغرب تتقهوى
عندها وهي متعودة أن ترسل لها وخلاص تجي يعني
مهوب لازم ترد عليها .. وبعد صلاة المغرب أتجهزت
وجهزت قهوتها وجالسة تحتري زوجها يطلع
لأنه في ذا الوقت يطلع
وإلا هو جاي وجالس يالله وين القهوة ؟
وهي تقول : أي قهوة ؟
هو : تستهبلين يا أم المفاجآت الحلوة ؟
وبعدين استوعبت أنها أرسلت له بالغلط وسكت وما قلت شي
:blushing:
قبل رمضان بيوم جتها رسالة من صديقتها مضمون الرسالة كالأتي
( رمضان بكره والشياطين تنحبس في رمضان .. والله راح نشتاق لك )
عجبتها الرسالة قلت راح أرسلها لزوجي .. وأرسلتها ..
ولما جانها تقرير الرسالة وجدت اسم عمها ( أبو زوجها ) والله فشلة
:icon_redf
وحدة كانت عند أهلها وقالوا لها خلي زوجك يجي
يتغدى عندنا .. رحت أرسلت له رسالة
( أهلي عازمينك على الغدا )
وراحت الرسالة.. وبعد شوية يرسل
اخو زوجها رسالة مضمونها ( بأي مناسبة ) ؟
فشلة
:36_19_3[1
مره وحدة تخاصمت مع زوجها وكتبت رسالة لآخوها
تسب زوجها سب وتعلمه أنها بتثقل عليه ولاراح تعطيه وجه
تخيلوا ... الرسالة راحت لزوجها وزعل وأرسل تهديد
وهي انطمت وسكتت والله وهذا موقف لن تنساه
:36_1_10[1
مره وحدة أختها مسافرة برا وهي مديرة مدرسه
المهم جا وقت عودة المدرسات وهي كانت معطيتها جوالها
فأرسلت على جوالها رسالة تقول لأختها الثانية
(يا فلانة أرسلي للمدرسات رسائل وقولي لهم يداومون أحسن لهم
مو إذا غاب القط العب يا فار)
قامت أختها من السنع أرسلت نفس الرسالة لجميع المدرسات
يعني نفس النص ما غيرته وتعالوا شوفو الضحك والفشيله
:36_1_22[1
رسالة بالغلط
جت رسالة من رقم غريب بس تقول
( مبروك ماجبتي وعساك طيبه وترانا فرحنالك
ودعينا لك ولبنتك وعسى الله يخليها لك وترانا نبي نجيك بكرا )
على طول رد وقال
( تراك غلطانة وعلمو الحرمة أنكم تبي تزورونها ترى الرسالة هذي ما وصلتها )
:36_1_1[1]
مره واحد جته رسالة بالغلط
( فلان أنت صاحي ولا نايم )
قام وأرسل له : تراك غلطان
رد :
( بلا استهبال جب معك فطور )
:مزون:
.
.
.
مودتي في غربتي
http://images.blogcn.com/2005/4/22/5...5042282118.gif
[/align]
