زمان الطيب

احس في قلبي كما شذرة السيف
كن الخناجر وسط حدب المحاني

يوم اتذكر ماضي الوقت ياحيف
يوم استعيد شموخ هاك المباني.


يوم الرجال تحشم الجار والضيف
محشوم قدره بين قاصي وداني

حتى العزاوي يازمان الصواديف
اقفت مع رجال الوفا في زماني


اسلومنا صارت مثل لمعة الطيف
مضمونها يعزف لحون وأغاني


محقور ياوقتن به الكذب والزيف
هان الكريم وعز قدر الهداني

الحظ وظروف الزمن والتحاسيف
بين الحقيقه والوهم والأماني

ارقى بفكري فوق روس المشاريف
قمة شموخي ماتطيق الهواني

لي نظرتن تلجم عقول الملاقيف
ولي هيبة الفارس عريب المجاني

أسمي حقيقي مايبي أي تعريف
وشعري شموخ المرجله والمعاني


ماجيت ابشكي من جروح المواليف
ولاجيت اقول اني من الهم أعاني

أشفق على الوافين مع نكهة الكيف
وأصد عن ضيم الدهر لو حداني

مايوصف الغايه إجزال التواصيف
لو القوافي شكلت لون ثاني !!!!


عبدالله رجاء الجعفري

صح قلبك وكلك

هلا ابوعبدالرحمن منور الله يسعدك ع الاطرااء