-
الطيب مسك لسان
حكمة زمن مردودها راحت الحي
خذها ولا تلحق بنفسك مشاريه
المجلس اللي جلسته مابها في
خله يولي مالنا مجلسن فيه
ياكم حي(ن) مات وكم ميت(ن) حي
بعيون ربعه شامخات" هقاويه
ماكل من ناره غدت شعله وضي
قالو ترا طيب وزانت مباديه
حتى المره تاقف وتعزم وتعطي
شي(ن) على ماقيل كلن يسويه
الطيب مسك لسان عن منهجن سي
وترك القفى عن قولت فلان وش فيه
لاتقيسها بدله وبراد مع مي
ونارن بها المقفي على الهرج تشويه
الطيب صعب وكنه النايف الطي
في وقت خلد لزمن طيب ماضيه
ومن لايشوفك شي لاتنظره شي
الذيب مايحسب لسكة مساريه
والعفن والنمام والحاسد العي
عطه التجاهل وانسحب عن مماشيه
ماعاش من كدر مزاجي وانا حي
اللي يهذري دون فعلن يقديه
عبدالله رجاء الجعفري
