تـــــــاريخ مـــــيلاده

بسم الله الرحمن الرحيم


السلام عليكم ورحمة الله وبركاته

الاخوه والاخوات اعضاء شبكة غرابيل

اسعد الله مسااكم بالسعاده والعافيه اهدي هذه القصيدة لكم جميعا واتمنى ان تنال اعجابكم




[poem=font="simplified Arabic,5,white,bold,italic" Bkcolor="black" Bkimage="" Border="ridge,4,black" Type=1 Line=0 Align=center Use=sp Num="0,black"]
على وجه التراب تراب حيّوبي طفل مولود = على الدنيا قدم ماسجّلـوا تاريـخ ميـلاده

على الدنيا طلعت انسان عادي والليال السود = تسجّل كل يوم يمر من عمري على العاده



ولدت بوقت قاسي والحياه متعبه ونكود = مطاليب الحياة اتّعّب الرجّال وولاده



نسوّي ما يسوّونه اهلنا ما عليهم زود = ونشقى مثلهم واحنا صغار وروسنا قاده



على حفظ الفروض الخمس وصوّنا ركوع / سجود = وعلى نهج الحبيب المصطفى علم الفتى فاده

وعلى يامرحبا باللي لفونا درّسونا جدود = وعلى الشبّه وحمس البنّ ودقّ الهيل وقناده



وعلى الشيمه وحشمت جارنا مايطلع المنقود = وعلى عهد الخوّي نوفي وفانا عاليٍ ماده



تعلّمناعلوم المرجله والطيب ياهل الجود = وطبقّنا الدروس اللي تعلّمنا من الساده



سرحنا فاالمجاهيم الاصيله والعمر محدود = ورقدنا وسطها والعمر سبع سنين مازاده


مشينافي هواها ماكسرنا خاطر المفرود = ودخلنا للعراق وربعّت في شط بغداده



سقرنا في هواها عام كامل والله المعبود = فصول العام كله والجمل جنفان بشداده



تحدّينا الزمان المرّ / واصحاب المعيز رقود = وعرفنا ارض الجزيره بالبكار السود شدّاده



ميه وستين شهر ورحلتي مع غاليات العود = مجاهيم البكار مقيّمات الرجل وبلاده



تغربت بهواهن لين صوّت للجهاد جنود = ولبيّت الندى جندي شهيد ان مات بجهاده



تركت اللي تحت ماطى قدمها جنة الموعود = وهي تنزل مدامعها تقول الحرب منقاده



تقول مسهّل امرك جعل ترجع طيّبن وتعود = وعسى جيش العدو يخذل وتعمى عين من قاده



ووادعت الذي جعله بجنات النعيم خلود = ابوي اللي قبل عامين عني راح مقعاده



توكلنا على الله واتكلنا واشقر البارود = لبسنا محزمه والاسم جا مكتوب بقلاده



لبسنا اكفاننا في ساحة الميدان والُوقود = لهبها مشتعل وقت الهجوم النار وقاده



هزمنا جيش من خان الجوار بقادة ال سعود = واسرنا منه عشرالاف جندي تم تعداده



نصرنا الله وعاد الحق لاهله وانتهى الحشود = نصرنا الله وعاد القايد المسئول وافراده



وصدمناعقب ذاك الحرب صدمه والنظام بنود = صويب الحرب من ضيّع حقوق اصيب من صاده


غدينافي مراحل والمراحل ماعليها كود = دليل اسم الصويب اللي صوابه ضيّع ارقاده



عطيتك حب واصدق حب وين الحب والوجود = حشا ماعاد اعرف اشلون احب بصدق ياغاده !!



كبيرة صدمتي في عالمي والدالهين عدود = وانا اللي كل يوم اشوف يكثر زود حسّاده



لقيت من الخلايق مالهم تعداد والمقصود = سؤالي وين ماحاولت اقوله يعلن ابعاده



نملّ من الصبر والجرح يتعب والتعب مشدود = على حدب الضلوع العوج شلْت الحمل واعتاده



حسايف مالقيت اللي نشدّبه الظهر ويجود = ولاعاد اعتقد به جيل جرّب عيشت اجداده



فمان الله ياجيل الرجال الطيبه والفود = وفمان الله ياوقت الخوّي وصدق ميعاده



مساكين الخلايق من تراب الى تراب تعود = على وجه التراب تحلّ خلق / وخلق شدّاده[/poem]

صح لسانك يا عماش



نسوّي ما يسوّونه اهلنا ما عليهم زود
ونشقى مثلهم واحنا صغار وروسنا قاده

الله الله

قصيدة رائعة

لله درّك

وبانتظار جديدك

عماش

قصيدة اجمل من الجمال نفسه

جزله من جزل والله

صح لسانك

والدنيا لسه بخير على قول اخواننا المصريين

[align=center]الشاعرالرفعي
كتبت فاابدعت
صح عقلك ودام ابداعك
ودمت بصحه

(( الثريا ))[/align]

[align=center]
عماش الرقعي
ـــــــــــــــــــــــــ ــــــ
صح لسـانك واعتلا شانك

تسلم يالغالي على القصيدة

ألف شكر لك على الإبداع

لاهنت
ـــــــــــــــــــــــــ ــــــ
أخوكـ/خالد
[/align]

يامرحبا تراحيب المطر

وصح لسااانك لين ترضااا

سجل المرور والتقدير

صح لسانك

ولا هنت

مودتي في غربتي

[align=center]الاخ عماش صح السانك


تقبل مروري[/align]

صح لسانك

وإعتلى شانك

الشاعر عماش الرقعي

شكراً على هذه القصيده التي أتتبك إلى هنا

[align=left][align=center].

.


مشينافي هواها ماكسرنا خاطر المفرود
ودخلنا للعراق وربعّت في شط بغداده



سقرنا في هواها عام كامل والله المعبود
فصول العام كله والجمل جنفان بشداده



تحدّينا الزمان المرّ / واصحاب المعيز رقود
وعرفنا ارض الجزيره بالبكار السود شدّاده


عماش .!

انت وين انت غايب .!!!


حضرت بعد غيبه وجبت معك الشعر
صح لسانك ملايين ولاهنت
تحيتي لك

.
.[/align][/align]

صــح لسانكـ ع هالابــــداع
وبيض الله وجهكـ

عماش الرقعي ,,


كفو ياعماش والله لايهينك

عساك من هذي واطيب



تحدّينا الزمان المرّ / واصحاب المعيز رقود
وعرفنا ارض الجزيره بالبكار السود شدّاده


ههههههه دايم وانا الاحظ انو فيه اشكاليه بين اهل البل واهل الظين هههههههه





فمان الله ياجيل الرجال الطيبه والفود
وفمان الله ياوقت الخوّي وصدق ميعاده


خلك متفائل ياعماش

ابشرك الخير واهل الخير لازالوا موجودين ولو انهم قله جعلنا الله منهم



صح لسانك يالشاعر ولاهنت

على الدنيا طلعت انسان عادي والليال السود
تسجّل كل يوم يمر من عمري على العاده



تحدّينا الزمان المرّ / واصحاب المعيز رقود
وعرفنا ارض الجزيره بالبكار السود شدّاده




حسايف مالقيت اللي نشدّبه الظهر ويجود
ولاعاد اعتقد به جيل جرّب عيشت اجداده



فمان الله ياجيل الرجال الطيبه والفود
وفمان الله ياوقت الخوّي وصدق ميعاده



مساكين الخلايق من تراب الى تراب تعود
على وجه التراب تحلّ خلق / وخلق شدّاده





الله الله الله

عليك


عماش


انت مجرم



وصح لسانك

[align=center]الفاضل / عماش

صح لسانك

أبيات جميلة ورائعه بكل معنى الكلمة

صدقت
مساكين الخلايق من تراب الى تراب تعود
على وجه التراب تحلّ خلق / وخلق شدّاده















[/align]