كنت لك مشتاق

كنت لك مشتاق وأشواقي تزيد
لين مات الشوق وانكسرت غلا تك

العزى في بيت صدري بالوريد
له ثلاث ايام ما وقف عزاتك

يبكي الفرقا ووجده بك وحيد
من لبس ثوب الحزن قل له وصاتك

فيه نبض فيه من نبضك جديد
لو تغيب العمر ياعمري بذاتك

ولو بقيت وجرح روحي بك يزيد
ولو اقول اني بي انكسرت حلاتك

تدري ان القلب لايمكن يحيد
عنك يا اغلا من سكن بي في حياتك

بس امانه قل لأشواق العنيد
منك وعداً ماتطول في مماتك

الفراق اشبهه موت وجليد
ونوب ناراً تشتعل منها جهاتك

والله اني معك ما ادري وش اريد
قمت اخبص بالحكي قصه وجاتك

لكن: الأكيد اللي احسه بل اكيد
ان روحي رهن روحك بس هاتك

ً
ً