ܓܨܓ امسية بين ورود بستان احمد السكران ܓܨܓ
http://sfsaleh.com/9war/uploads/c984cfc1d7.jpg
بسم الله الرحمن الرحيم
/
/
http://www.kwety.net/kwety1/q89/ASSERT1%20%2843%29.gif
حين نذكر اسمه
تهمر نجوم الليل
على مشارف الحلم
وينذلق الشعر في ينابيع الابداع
وتنهال اوراق الورود
في طرقات الجمال اللامحدود
الليلة سهرتنا يشعل نارها
ܓܨܓ احمد السكران ܓܨܓ
استهل امسيتنا بهذه الابيات التي استهوتني كثيراً وأنا كلي ثقة انها ستحوز على اعجباكم ايضاً ..
http://www.kwety.net/kwety1/q89/ASSERT1%20%2851%29.gif
[poem=font="Arabic Transparent,5,black,normal,normal" bkcolor="sienna" bkimage="backgrounds/13.gif" border="double,4,black" type=1 line=0 align=center use=sp num="0,black"]
احتريتـك ليـن ماقفّـت سنيـنـي = يشهد الله مانسيتـك ربـع ساعـة
كل معنـى الحـب مابينـك وبينـي = بـس تكفـى لاتطـوّل بالقطـاعـة
الله اللـي فـي غرامـك مبتلينـي = والله اللي حطـك بروحـي وداعـة
ليـن ياالغالـي تبادلنـي حنيـنـي = وانـت عاشقنـي بتفكيـر وقناعـة
اشهد انك يالغضـي منـي وفينـي = ولطلبـك السمـع ياخلـي وطاعـة
انـت يالمحبـوب لعيونـي وزينـي = وان بغيت الشعر .. فأبشر بأستماعه
بـس لاترحـل ويقتلنـي ونيـنـي = خل هجرانـك لمحبوبـك (اشاعـة)
لاتـروّح مثـل ماراحـت سنينـي = ولاتخرّب مابنيـت بظـرف ساعـة
[/poem]
http://www.kwety.net/kwety1/q89/ASSERT1%20%2851%29.gif
عنود جامحة ,, لاتعرف القيد ,, كتب عنها شاعرنا ,,,
[poem=font="Arabic Transparent,5,black,normal,normal" bkcolor="sienna" bkimage="backgrounds/13.gif" border="double,4,black" type=1 line=0 align=center use=sp num="0,black"]
وش يصير الحب من دون هذيك العنود ؟؟ = بيّحت سدي وهي بيّحت بسدودها
صوتها ناي.. وكمان ..ودلعها عزف عود = وفي وناستها تعدت جميع حدودها
دايم اليا جت تسولف سوالفها قصود = لبا والله غمزتينٍ بوسط خدودها
لو تغيب اربع ثواني تحرّّيت الصدود = ماتحملت الثواني بدون وجودها
كلما هب الهوى فاح منها ريح عود = من ملابسها ومن بين سود جعودها
قالت : انت تحبني ؟ قلت : لك حبٍ يزود = وسط قلبي لك محبة غلاك يزودها
وصاحبك ماهو على الحب مكره ومحدود = مار ياكود المحبه معك ياكودها
آتصبّر وادري اني فقدت اغلى الورود = وكلمتي تصعب على اللي يبي مقصودها !!
[/poem]
http://www.kwety.net/kwety1/q89/ASSERT1%20%2851%29.gif
متفرد بكل شيء
فلا مثيل له
ووجه التفرد
هو ماكتبه شاعرنا عنه ,,
[poem=font="Arabic Transparent,5,black,normal,normal" bkcolor="sienna" bkimage="backgrounds/13.gif" border="double,4,black" type=1 line=0 align=center use=sp num="0,black"]
ماشفت مثله
قالوا يحبك لا تخاف وقلت يا ربي عسى = إلى ذكرته صرت أحس ان العيون مغوّره
معروف بالطيبه وبالعفه وبالزين اكتسى = لا قام يمشي كن قلبي من غلاه مسوّره
ما شفت مثله بالرياض وبالقصيم وبالحسا = ازريت ابلقى مثل زينه لو بغيت ازوّرهّ
واللي شرب كاس المحبه مثل شربي واحتسى = يخاف يلمس لو طرف ثوب الحبيب يعوّره
وما غير يهذي في حبيبه بالصباح وبالمسى = اللي لا غادر ديرته تظلم ولو هي منوّره
[/poem]
http://www.kwety.net/kwety1/q89/ASSERT1%20%2851%29.gif
قصة سفر
ورحلة
حملت الكثير من العبر
لامجال لاختصارها فحملتها لكم كاملة ,,,
[poem=font="Arabic Transparent,5,black,normal,normal" bkcolor="sienna" bkimage="backgrounds/13.gif" border="double,4,black" type=1 line=0 align=center use=sp num="0,black"]
امس جهّزت الجواز وشنطتي وفلوسي = ودي ازرق للديار اللي ورى الشرقيه
الديار اللي بها رولا ورند وبوسي = والله اللي يعلم النيه وهي مخفيه
البنات اشكال فيه البوسني والروسي = وكل ديره كنها ترسل هناك بنيه
والخصور تميل دوسي يابنيه دوسي = فوق قلبٍ دقته مع دقت الاغنيه
والمراقص وسطها كل البلا مدسوسي = الملابس ضيقه والاغنيه شرقيه
وطاولاتٍ فوقها كل البلا مغروسي = خمر .. وسكي .. بيرةٍ لأهل الطرب ماريه
يرةٍ ماهيب بيرة بربيكان وموسي = بعد ثاني كاس يفقد جسمك الوزنيه
ول يادارٍ تعيش بعالمٍ معكوسي = مابها هيئه ولا تنحاش من دوريه
وتنوي الشقه وراسك عقبهم منكوسي = وتذكر ان الربع معهم باقي القطيه
ولادخلت تشوف عنزٍ بين عشر تيوسي = المسجل يشتغل والاغنيه مصريه
كل واحد من بعدها ناقلٍ فيروسي = والله اللي مانقلت الخير بين ايديه
عاد انا في ديرة الزلفي كيذا منحوسي = وش بسوي لو بشوف العالم المبليه
وصارت السفره بعيني كلّها كابوسي = وكم غشيمٍ من هوى نفسه يروح اضحيه
وارجم الشنطه وانا اسحن من شقاي اضروسي = والجواز ارجّعه للخزنه السريه [/poem]
http://www.kwety.net/kwety1/q89/ASSERT1%20%2851%29.gif
وجع وحنين
اشتياق يحمل غصة الم الفقد
وعلى المحبين الفراق اصعب اللحظات ,,,
[poem=font="Arabic Transparent,5,black,normal,normal" bkcolor="sienna" bkimage="backgrounds/13.gif" border="double,4,black" type=1 line=0 align=center use=sp num="0,black"]
مع السلامه قلتها غصب عني = ماهو بكيفي يوم ودّعت الاحباب
ليت الجفا .. والهجر .. والبعد مني = يمكن يصافح جفن عيني للأهداب
عقب الوناسه والفرح خاب ظني = وعقب القرابة صرت انا وانتي اجناب!
يوم ان قلبي في لقاك ارجهنّي = رحتي وهو يرجيك مير الرجا خاب
ان كان هو قصدك تغيبين عني = روحي وانا بذكرك لوعارضي شاب
عيني تبي شوفك .. وقلبي يحنّي = لو قلت عن ذكراك ابا اسكّر الباب
لاصرت من بعدك .. وفرقاك .. كني = اصقه / عمى / وانوح من قرصة الداب
باح الكنين وقلتها غصب عني = مع السلامه يابعد كل الاحباب[/poem]
http://www.kwety.net/kwety1/q89/ASSERT1%20%2851%29.gif
ريشة العود ..
رقيقة
كحبه
كناحل العود الذي أرق شاعرنا فكانت هذه الرائعة
[poem=font="Arabic Transparent,5,black,normal,normal" bkcolor="sienna" bkimage="backgrounds/13.gif" border="double,4,black" type=1 line=0 align=center use=sp num="0,black"]
غني جروح القلب يا / ريشة العود...} = لين اول "الاوتار" تبكي / حزينه
دام الوتر يصرخ ,, لياصار مشدود = يشلع فوادي من عناه ,, وحنينه
سريت بـ / الالحان مع هبت النود = بين ,,, البوادي / والقرى / والمدينه
ابكي على حالن نقص ,, مالقى زود = ماعاد يهنى بالكرى من {..ونينه
على وليفٍ مالقى زينه (احدود) = طيّر فوادي ,, لين جا في / يدينه
غروٍ ,, غرير / وصابني دون مقصود = مايدري انه (صاد قلبي بزينه)
سموه: امير البيض ,, ومزعّل الخود = مادام / نور الشمس / شعّ بجبينه
غيره من الغزلان ,, ماعنه منشود = وخلي "عسى ربي يطوّل سنينه
[/poem]
أبيات ترنمت بين اوردتي
اترككم معها ,,,لتستشقوا بعضاً من جمالها ,,,
http://www.kwety.net/kwety1/q89/ASSERT1%20%2851%29.gif
[poem=font="Arabic Transparent,5,black,normal,normal" bkcolor="sienna" bkimage="backgrounds/13.gif" border="double,4,black" type=1 line=0 align=center use=sp num="0,black"]
الملاك اللي بقلبي مستبـدّه = ورّدتنـي للهلاك / ورافقتني ..!!
بالدلال ,, وبالحلاوه / مستعـدّه = يشهد الله / فاتنتني .. فاتنتني ..!!
بالخبر .. والخرج .. وبريده .. وجده = مالقيت اللي مثل هذي / دهتني ..!
آسرتني بالعهود المستجده = وفي دلعها / والطخامه ذوّبتني
كل جزء وسط خفّاقي / تسده..!! = وعن همومي والهواجيس {...آخذتني
كل ماغابت تفاجأني .. برده = شفتها مره .. وضعت / وجنّنتني
قلبي اللي ماحدٍ قد نال (وده) = نالته بأوصافها اللي /ساحرتني
تاقف بجنبي ليا واجهت / شدّه = وآخذه مني هواي .. ومعطيتني
كل ماجاها شعوري .. ماتردّه = تاخذه .. وتجدده لين احتوتني ..!!
قلبي اللي حبها / ماحدن .. بقدّه = عندها .. تبطي عظم / حتى (برتني
[/poem]
http://www.kwety.net/kwety1/q89/ASSERT1%20%2851%29.gif
بقالب جديد ,,, ودعابة جميلة
صاغ لنا فتاة بصورة مسترجلة ,,,
[poem=font="Arabic Transparent,5,black,normal,normal" bkcolor="sienna" bkimage="backgrounds/13.gif" border="double,4,black" type=1 line=0 align=center use=sp num="0,black"]
مسترجلة ودها بالذود والخيمة = والشاص والكنود اللي لو تراسلبه
الله من قلب رجّالٍ تبي تضيمه= والله من عاشقٍ تبي تهبلبه
وتقول ودي بشوفة ناقتي ريمه = وماكولها القرص ماتاكل من العلبه
بنتٍ دلع بس فيها نخوة وشيمه = واللي سواتي يجاملها تماطلبه
والله مااطلع واقابلها بترسيمه =شكلي طبيعي ولا والله اعدّلبه
عاشق .. متيم .. واحب العشق واقيمه= وقلبي ماهو من قلوبٍ بالهوى صلبه
ومانيب من يذبح العالم بترقيمه =واللي تحبه بعد يومين تبحلبه [/poem]
http://www.kwety.net/kwety1/q89/ASSERT1%20%2851%29.gif
و رد على الشاعر زايد الروقي بهذه الكلمات ...
[poem=font="Arabic Transparent,5,black,normal,normal" bkcolor="sienna" bkimage="backgrounds/13.gif" border="double,4,black" type=1 line=0 align=center use=sp num="0,black"]
القصيده جت من احمد يالعتيبي مبتداها = السلام تردده لك ثم تبدي لك عجبها
والمحبة ياعميلي يوم تشكي من غثاها = احتمل لعيون بنتٍ مايشكك في نسبها
كان هي خارت قواك اثقل واذا خارت قواها = خل تلقى حبك اللي قد شعب قلبك شعبها
خلها تطلب رضاك ولاتدور عن رضاها = وانتبه ياولد روق انك تبرّق في عتبها
خلها ترقى سماك ولاتحلّق في سماها = لاتهل دموع عينك للهوى وتقول جبها
والعيون الساهره دام السهر يصبح جداها = السهر لامن تمكن من عيون احدٍ عطبها
وانت حرٍ لاتغلّت مهرته شام ورماها = ولك مع احمد خير فزعه ياعميلي واحتسبها
ادري ان قلبك متيم يالعتيبي ماسلاها = وادري ان الوقت عنك بدون لايرحم حجبها
ان قدرت اسحب عليها او بمعنى اسحب علاها = دامها ماقدّرت شخصٍ من اللهفه خطبها
علّتك بالقلب خطره لاتدور عن دواها = وادع ربك ياعميلي واحذر تلبّي طلبها
والقصيده ناقصه والعذر منك بمنتهاها = والسلام ختامها من عقب ما ابدت لك عجبها [/poem]
http://www.kwety.net/kwety1/q89/ASSERT1%20%2851%29.gif
اختم بهذا الرابط الجميل الذي كتبه الى من ربى وعلم وافنى حياته في سبيل توفير العيش الراق لشاعرنا
هذه الوقفة
التي حملت كلمات حب ووفاء
الى الأب الراحل
الذي شجع وعلم
يمكنم الاستمتاع بها بعد تحميل الملف
..
\
/
اضغط هنا
[/font][/color]
