عسى ما مضى مخلوف

السلام عليكم

ان شالله الجميع بخير
متواضعه علها تروق لكم بعد طول غياب


ء




بري حال من حاله حداها على المقسوم
ولك الله ياقلب ن غدا غي في العجه

تدور الليالي والليالي بها المحروم
وبها ناقع المعسول تسري به المجه

انا مع نصيبي والقدر حظنا معلوم
نناطح هموم الوقت والوقت في رجه

عسا مامضى مخلوف والجاي فيه سلوم
وعسى لي على ماقيل عن حرتي سجه

بكيت السنين العوج وابكي عليها دوم
وضحكت وانا في خاطري حزن ما افجه

لك الله ياعين ن عليها كثير اللوم
تهل العباير غصب من حرها ولجه

ولك الله ياروحاً توجد كثيرة حوم
تمنى اماني والاماني على الدجه

مادام الحبايب غادرو وش بقى ماتقوم
وهي في المكان وترقب الدرب عن هجه

تجهزت للمسرى انا وليلي المحتوم
وفتحنا من المغلق دورب بها ضجه

تبون الحقيقه والله اني انا المرحوم
توفيت قبل سنين يا قلبً توجه

وبقت روحي بروحي وقلبي بها موسوم
على ما عرفت ولو تجي منه محتجه

تحيات اللؤلؤة