هذه الفتاه كانت تدرس على رصيف رغم الضروف في أحد أرصفة دمشق
ولعلي أستطيع أن أوصل ولو جزء بسيط جداً جداً من صوره هذه الطفله
http://www.7ammil.com/data/visitors/...716010_7c7.jpg
[poem=font="traditional Arabic,7,white,bold,normal" Bkcolor="black" Bkimage="" Border="double,4,black" Type=2 Line=0 Align=center Use=ex Num="0,black"]
على ذاك الرصيف اللي جلستي فيه مذعوره=وكنتي ترتجين أحلام عمرك والأمل قدام
بها كنتي مثالية عزيمه واكبر اسطوره= وجلستي تطلبين العلم حتى والحياه ألغام
لمحتك والملامح راضخه للحزن مقهوره=وعين(ن)كل مايغفى الجفن ويـ السهر ماتنام
رفيقه مع رصيف(ن)ضمها دايم وهي تزوره=حدوده مملكة طفله تعيش بواقع الآلآم
بعيده عن عيون العالم الصاخب وعن جوره=وحيده مامعاك ألا قلم مع دفتر وأحلام
حزينه جلستك وأنتي من الأيام مكسوره=صغيره قلبك المسكين كيف يصارع الأيام
رقيقه كنها ديمه تبلل جانب الصوره=بريئه وأنتي أقرب للعذوبه من لحن وأنغام
ضعيفه حيلك المهزوم ماطال الفرح سوره=معاك أوجاع الايام وسنين القهر والأوهام
هنا قصة شقا طفله وكفوف احلام مبتوره=هنا دمعة هنا غصه وحظاً بالعمر ماقام
هنا كنتي وكنت وكانت اللحظات محفوره=وأنا أشوفك بها الصوره وطيرك منكسر ماحام
على حدك جلس مجدك يكافح في وسط ثوره=على جبهة زمان(ن)ماستر جسمك بقطعه خام
ذبل ورد الحياه وماتت البسمات مجبوره =على وجه الطفوله في شوارع ديرتك يالشام
[/poem]
سعود المجلاد