الرحيل............

[poem=font="arial,5,#000000,bold,normal" Bkcolor="" Bkimage="" Border="none,1," Type=0 Line=1 Align=center Use=ex Num="0,"]
قالو البدو للمرباع راحو شمال=قلت واللي على بالي معاهم رحل
لا سقا الله يوم البدو شدو الرحال= شرقة الشمس راحوبه وخلي المحل
مرني يقصر الخطوه وزاد الهبال=يوم يمشي على هونه وكنه عجل
التفت لي وانا واقف ومشغول بال=وشفت في نظرة عيونه خيوط الأمل
سلهم بعينه السوداء موادع وقال=خذ عهودي وميثاقي وما قل دل
قلت داري وفيك الشك ماله مجال=ولا لغيرك بقلبي وانت داري محل
شوف عيني خوي ضعونهم لين حال=دونه اقصى مدى للشوف والليل حل
وبعد يوم الرحيل امسيت والليل طال=هم ووهام واحزان وعذاب وملل
قالو الناس وش مشغلك يابن الحلال=لا تهوجس وكن لصبر بال ومحل
قلت لا سج بالي مر مثل الخيال=وانا فكري مثل عود ظمي واضمحل
يابدو كل ما هبت هبوب الشمال= حن ظامي الجنوب اللي حبيبه رحل[/poem]

تسلم على البووح..صح لسانك واعتلا شانكـ

لاهنت يا ابوديه


لاتحرمنا جديدك طاال عمرك

تحيتي وتقديري

صح لسانك يا سعيد

غياب عام كامل ... وعودة بأبيات جميلة

اشتقنا لحروفك .. يا سعيد

لله درّك

وبانتظار جديدك

صح قلبك وكلك ياسعيد

واهلا بك وبحرفك مجددا


تحيتي لك

لا سقـا الله يـوم البـدو شـدو الرحـال

ياخي قل الله اما اغثهم يمكن يربعون ويزين الخاطر

ويرجعون لك صح لسااااااااااااااااااانك الى رضاااك


تقبل مروري وتقديري

[align=center]ياسعيد صح لسانك
قصيدتك رايعه
انشهد انك شاعر0000
ان كان راحوا شمال
لا تتجهه للجنوب
خلك ابد ما رحل
انا اتعقد ما رحل
يمكن باكر يجيك
لا تنتظر للغروب
الشك ماله مجال[/align]

.

يامرحبا ياسعيد

جميل ومبدع


صح لسانك ولاهنت ياسعيد


دمت بخير


محمد بن نايف

سعيد ابو ديه

هلا بك وغلا

صح لسانك الى رضاك

ولا عاد الله الفراق وساعته مافيه الا الشقى للهواويه ..

رائعه ياسعيد ولاتستغرب منك

لكن لفت انتباهي شي لو سمحت لي :

لا سقـا الله يـوم البـدو شـدو الرحـال =شرقة الشمس راحوبه وخلي المحل

قلـت داري وفيـك الشـك مالـه مجـال =ولا لغيـرك بقلبـي وانـت داري مـحـل

قالو الناس وش مشغلك يابن الحلال =لا تهوجـس وكـن لصبـر بـال ومـحـل

تكرار كلمة محل في قفلة العجز ثلاث مرات ؟

تبقى شاعر رائع الله لايضرك

تقبل مروري