من يوم جاني علمك اللي تحاتيه ** ماغير بالافراح حرفي يتمتم
[align=center]بسم الله الرحمن الرحيم
أسعد الله أوقاتكم بكل خير
أعود بعد انقطاع طويل جدا ,,, التمس من الجميع العذر .. وبإذن الله يدوم التواصل
صديقي زف لي اليوم خبر عقد قرانه .. فكانت هذه الابيات[/align]
[poem=font="simplified Arabic,4,darkblue,bold,normal" Bkcolor="transparent" Bkimage="" Border="none,4,gray" Type=1 Line=0 Align=center Use=ex Num="0,black"]
يالله بارك له وتمّم مساعيه = ادعي عسى ربي يعين ويتمم
يالله عسى التوفيق دايم يخاويه = لايعرفه تقصير أو خوف أو هم
من يوم جاني علمك اللي تحاتيه = ماغير بالافراح حرفي يتمتم
يابخت حرفي بس منهو يضاهيه = دامه بيكتب لك شعوري ويرسم
عيا القلم يكتب ويبرز معانيه = كن المراجل منك تدرس وتفهم
يابو محمد وين مثلك الاقيه = طيبك تعدى الكل بالكيف والكم
لاقلت كلمة (لا) توصل لنا (ايه) = لاتسألون شلون , السر مبهم
احب كل اللي يحبون طاريه = وافديهم بنفسي وروحي وبالدم
واكره جميع انسان وده يعاديه = والله لو بيدي ابسقيه علقم
عندي معاذ ومنهو غيره يساويه = آمر تدلل وش تبي يالغلا سم
الله يسمّ اعداك ويشلّ رجليه = والله يوفق قلبك اللي تقدم
يابو محمد قلت ابكتب واهنّيه = اهني قلبك يوم اقبل وعزّم
من يوم جاني علمك اللي تحاتيه = ماغير بالأفراح فمي يتمتم[/poem]
وسلامتكم
* سلام خاص جدا ً للغالي ( أبو عبدالرحمن )
.
.
.
صالح المرزوق
